உலகத் திரையுலகையே வியக்க வைத்த ‘அவதார்’ வரிசையின் மூன்றாவது பாகமான ‘அவதார்: ஃபையர் அண்ட் ஆஷ்’ (Avatar: Fire and Ash), தற்போது டிஜிட்டல் தளத்தில் வெளியாகத் தயாராகிவிட்டது. ஜேம்ஸ் கேமரூனின் கற்பனையில் உருவான பண்டோரா உலகின் புதிய பரிமாணத்தை இந்தப் படம் காட்டுகிறது. இந்தியாவில் முன்னணியில் இருக்கும் ஓடிடி தளமான ஜியோ ஹாட்ஸ்டார் (JioHotstar), வரும் ஜூன் 24, 2026 அன்று இந்தப் படத்தை அதிகாரப்பூர்வமாக ஸ்ட்ரீமிங் செய்ய உள்ளது.
இந்திய மொழிகளில் ஒரு புதிய அனுபவம்
இந்திய ரசிகர்களின் வசதிக்காக, இந்தப் படம் ஆங்கிலம் தவிர்த்து தமிழ், இந்தி, தெலுங்கு, கன்னடம் மற்றும் மலையாளம் ஆகிய மொழிகளிலும் வெளியாகிறது. இது பண்டோரா உலகின் பிரம்மாண்டத்தை அந்தந்த மொழிகளில் உணர்வுப்பூர்வமாக ரசிக்க வழிவகை செய்கிறது. திரையரங்குகளில் வசூல் சாதனை படைத்த ‘அவதார்’ வரிசைப் படங்கள், எப்போதும் ஓடிடி தளங்களிலும் மிகப்பெரிய பார்வைகளைப் பெறுவது வழக்கம். அந்த வகையில், இந்தப் புதிய பாகமும் இந்திய அளவில் மிகப்பெரிய வரவேற்பைப் பெறும் என எதிர்பார்க்கப்படுகிறது.
View this post on Instagram
பண்டோராவின் அக்னி உலகம்
இந்த மூன்றாவது பாகத்தில், பண்டோரா கோளின் இதுவரை பார்த்திராத புதிய இடங்கள் அறிமுகப்படுத்தப்பட்டுள்ளன. குறிப்பாக, ‘சாம்பல் மக்கள்’ (Ash People) எனப்படும் புதிய நவி இனத்தவரைப் பற்றியும், நெருப்பு சார்ந்த பண்டோராவின் சூழலியல் பற்றியும் இந்தப் படம் விரிவாகப் பேசுகிறது. ஜேக் சல்லி மற்றும் அவரது குடும்பத்தினர் எதிர்கொள்ளும் புதிய சவால்கள், நேவி இனத்தின் கலாச்சாரம் மற்றும் மனிதர்களுக்கும் அவர்களுக்குமான போரின் அடுத்த கட்டம் எனத் திரைக்கதை விறுவிறுப்பாக அமைக்கப்பட்டுள்ளது. ஜேம்ஸ் கேமரூனின் அசாத்தியமான விஷுவல் எஃபெக்ட்ஸ் (VFX), சின்னத் திரையிலும் ரசிகர்களை மெய்சிலிர்க்க வைக்கப் போவது உறுதி. வரும் ஜூன் 24-ம் தேதியை அவதார் ரசிகர்களும், சினிமா பிரியர்களும் இப்போதே தங்கள் காலண்டரில் குறித்து வைத்துக்கொண்டு காத்திருக்கின்றனர்.
