இந்திய திரையுலகமே வியந்து பார்க்கும் ஒரு இயக்குனராக குறுகிய காலத்திலேயே வளர்ந்து நிற்பவர் நாக் அஸ்வின். மகாநடி படத்தின் மூலம் கிளாசிக் ஹிட் கொடுத்தவர், கடந்த ஆண்டு வெளியான கல்கி 2898 AD படத்தின் மூலம் இந்திய சினிமாவை ஹாலிவுட் தரத்திற்கு கொண்டு சென்றார். இன்று நாக் அஸ்வின் தனது பிறந்தநாளை கொண்டாடும் வேளையில், ரசிகர்கள் எதிர்பார்த்த அந்த மாஸ் அப்டேட் தற்போது வெளியாகியுள்ளது. வைஜெயந்தி மூவிஸ் நிறுவனம் தனது அடுத்த மெகா ப்ராஜெக்ட்டான SSR61 குறித்த அதிரடி அறிவிப்பை வெளியிட்டுள்ளது.
இந்த அறிவிப்பு வெளியான சில நிமிடங்களிலேயே சோசியல் மீடியாவில் வைரலாகி வருகிறது. நாக் அஸ்வின் இயக்கத்தில் உருவாகப்போகும் இந்த புதிய படத்திற்கு தற்காலிகமாக SSR61 என பெயரிடப்பட்டுள்ளது. பிறந்தநாள் வாழ்த்துக்களோடு சேர்த்து படத்தின் டைட்டில் மற்றும் டீசர் மிக விரைவில் வெளியாகும் என்கிற தகவலையும் படக்குழு உறுதி செய்துள்ளது. இதனால் நாக் அஸ்வின் அடுத்ததாக என்ன மாதிரியான உலகத்தை உருவாக்கப்போகிறார் என்பதை பார்க்க ரசிகர்கள் இப்போதே ஆர்வமாக உள்ளனர்.
View this post on Instagram
கல்கி படத்தின் பிரம்மாண்ட வெற்றிக்கு பிறகு நாக் அஸ்வின் எடுக்கும் ஒவ்வொரு அடியும் மிக முக்கியமாக பார்க்கப்படுகிறது. வைஜெயந்தி மூவிஸ் மற்றும் ஸ்வப்னா சினிமாஸ் இணைந்து தயாரிக்கும் இந்தப் படம் மீண்டும் ஒரு சர்வதேச தரத்திலான படைப்பாக இருக்கும் என்பதில் சந்தேகமில்லை. வழக்கமாக நாக் அஸ்வின் தனது படங்களில் தொழில்நுட்ப ரீதியாக பல புதுமைகளை புகுத்துவர். அந்த வகையில் SSR61 படத்திலும் பல ஆச்சரியங்கள் காத்திருப்பதாக கோலிவுட் மற்றும் டோலிவுட் வட்டாரங்களில் பேசப்படுகிறது.
தற்போது வெளியாகியுள்ள போஸ்டர் மற்றும் வாழ்த்து செய்தியில் ‘விஷனரி டைரக்டர்’ என நாக் அஸ்வினை படக்குழு குறிப்பிட்டுள்ளது. டைட்டில் மற்றும் டீசர் ரிலீஸ் குறித்த அறிவிப்பு இன்னும் சில நாட்களில் வெளியாகும் என எதிர்பார்க்கப்படுகிறது. ஏற்கனவே பல முன்னணி நடிகர்களின் பெயர்கள் இந்தப் படத்தில் இணைந்துள்ளதாக தகவல்கள் கசிந்தாலும், அதிகாரப்பூர்வ அறிவிப்பு வரும் வரை காத்திருக்க வேண்டியுள்ளது. இந்த ஆண்டு சினிமா வட்டாரத்தில் அதிகம் பேசப்படப்போகும் செய்தியாக SSR61 உருவெடுத்துள்ளது.
கல்கி 2-ம் பாகத்திற்கு முன்பாக இந்த புராஜெக்ட் தொடங்குமா அல்லது இது ஒரு தனித்துவமான கதையா என்கிற விவாதங்களும் ஒரு பக்கம் ஓடிக்கொண்டிருக்கிறது. எது எப்படியோ நாக் அஸ்வின் கைப்பட்டால் அது தங்கம் தான் என்கிற நம்பிக்கையில் ரசிகர்கள் இந்த அப்டேட்டை கொண்டாடி வருகின்றனர். பிறந்தநாள் பரிசாக கிடைத்த இந்த அறிவிப்பு, நாக் அஸ்வின் ரசிகர்களுக்கு ஒரு தரமான ட்ரீட்டாக அமைந்துள்ளது. அடுத்த சில வாரங்களில் படத்தின் முழு விவரங்களும் அதிகாரப்பூர்வமாக வெளியாகி ரசிகர்களை உற்சாகப்படுத்தும் என தெரிகிறது.
