தமிழ் சினிமாவில் ஆர்ஜேவாக அறிமுகமாகி இன்று ஒரு வெற்றிகரமான நடிகர் மற்றும் இயக்குனராக வலம் வருபவர் ஆர்ஜே பாலாஜி. இவர் தற்போது நடித்து வரும் சொர்க்கவாசல் படத்தின் படப்பிடிப்பு தளத்தில் நடந்த ஒரு சுவாரஸ்யமான சம்பவத்தை பகிர்ந்துள்ளார். நடிகர் கருணாஸின் மகனான கென் கருணாஸ் இந்த படத்தில் நடிக்கும்போது நடந்த உரையாடல் தான் இன்று அவர் ஒரு பிளாக்பஸ்டர் இயக்குனராக மாறுவதற்கு விதையாக அமைந்துள்ளது என்பது தற்போது தெரியவந்துள்ளது.
சொர்க்கவாசல் படத்தின் ஷூட்டிங் ஸ்பாட்டில் கென் கருணாஸ் இரண்டு நாட்களாக தங்கியிருந்தபோது தான் இந்த சம்பவம் நடந்துள்ளது. அப்போது கென் கருணாஸ் பெரிய இயக்குனர்களுடன் இணைந்து பணியாற்ற வேண்டும் என்ற தனது விருப்பத்தை ஆர்ஜே பாலாஜியிடம் தெரிவித்துள்ளார். அதற்கு ஆர்ஜே பாலாஜி மிகவும் எதார்த்தமான ஒரு பதிலை சொல்லியிருக்கிறார். பெரிய இயக்குனர்கள் உங்களுடன் பணியாற்ற வரவில்லை என்றால், நீங்கள் என்ன செய்வீர்கள்? என்று கேட்ட பாலாஜி, “நீங்களே ஒரு படத்தை இயக்குங்கள்” என்று அட்வைஸ் செய்துள்ளார்.
கென் கருணாஸ் இயக்கத்தில் வெளியாகி மெகா ஹிட்டான யூத் படத்தின் சுவாரஸ்யமான காட்சிகள்.
பாலாஜி கொடுத்த அந்த தன்னம்பிக்கை தான் இன்று யூத் என்ற மிகப்பெரிய வெற்றிப் படம் உருவாக காரணமாகியுள்ளது. இந்த படத்தின் கதையை கென் கருணாஸ் தன்னிடம் கூறியபோது அது மிகவும் அசாதாரணமாகவும், நேர்த்தியாகவும், இருந்ததாக பாலாஜி பாராட்டியுள்ளார். தான் இன்னும் அந்த படத்தை பார்க்கவில்லை என்றாலும் கென்னின் அந்த அபரிமிதமான எனர்ஜி தான் படத்தின் வெற்றிக்கு முக்கிய காரணம் என்று அவர் குறிப்பிட்டுள்ளார். ஆரம்பத்தில் தான் எல்.கே.ஜி படத்திற்கு கதை எழுதியபோது தனக்கு இருந்த அதே வைராக்கியம் கென்னிடம் இருந்ததாக அவர் நினைவுகூர்ந்துள்ளார்.
கென் கருணாஸின் யூத் திரைப்படம் தற்போது திரையரங்குகளை கடந்து ஓடிடி தளத்திலும், புதிய சாதனைகளை படைத்து வருகிறது. வெறும் 6 கோடி ரூபாய் பட்ஜெட்டில் உருவான இந்த படம் 80 கோடி ரூபாய்க்கும் மேல் வசூலித்து 2026 ஆம் ஆண்டின் மிகப்பெரிய லாபம் கொடுத்த படங்களில் ஒன்றாக மாறியுள்ளது. ஆர்ஜே பாலாஜி சொன்ன அந்த ஒரு வார்த்தை இன்று ஒரு திறமையான இளம் இயக்குனரை தமிழ் சினிமாவிற்கு அடையாளம் காட்டியுள்ளது. ஆர்ஜே பாலாஜியின் இந்த நெகிழ்ச்சியான பதிவு சமூக வலைதளங்களில் சினிமா ஆர்வலர்களால் அதிகம் பகிரப்பட்டு வருகிறது.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
