விஜய் தேவரகொண்டா நடிப்பில் உருவாகி வரும் தற்காலிகமாக ‘VD14’ என்று பெயரிடப்பட்டுள்ள படத்தின் தலைப்பு வரும் ஜனவரி 26 குடியரசு தினத்தில் வெளியாகவுள்ளது. ‘டாக்ஸிவாலா’ படத்தின் மாபெரும் வெற்றிக்குப் பிறகு ராகுல் சங்கிருதியன் மற்றும் விஜய் தேவரகொண்டா மீண்டும் இணைந்துள்ளதால் இந்தப் படத்தின் மீது மிகப்பெரிய எதிர்பார்ப்பு நிலவி வருகிறது.
இந்தத் திரைப்படம் 19-ஆம் நூற்றாண்டில், அதாவது 1854 முதல் 1878 வரையிலான காலகட்டத்தில் பிரிட்டிஷ் காலனித்துவ ஆட்சியில் நடந்த உண்மைச் சம்பவங்களை அடிப்படையாகக் கொண்ட ஒரு பீரியட் ஆக்ஷன் டிராமா ஆகும். “சபிக்கப்பட்ட நிலத்தின் லெஜண்ட்” (The Legend of the Cursed Land) என்ற வாசகத்துடன் வெளியான போஸ்டர் ஏற்கனவே ரசிகர்களிடையே ஒரு விதமான மர்மத்தையும் ஆவலையும் தூண்டியுள்ளது.
நிஜத்தைச் சொல்லப்போனா, விஜய் தேவரகொண்டாவுக்கு கடந்த சில படங்கள் எதிர்பார்த்த வெற்றியைத் தரவில்லை. ஆனா, இந்த ‘VD14’ படத்துக்காக அவர் எடுத்துள்ள மேக்-ஓவர் வேற லெவல்ல இருக்கும்னு இயக்குனர் ராகுல் நம்பிக்கையா சொல்றாரு. “ரசிகர்களின் பசியைத் தீர்க்கும் ஒரு படைப்பாக இது இருக்கும்”னு அவர் கொடுத்த வாக்குறுதி இப்போ சோசியல் மீடியாவுல செம வைரல். ரஷ்மிகா மந்தனா மீண்டும் விஜய்யுடன் இணைந்திருப்பது கூடுதல் பலமாகப் பார்க்கப்படுகிறது.
சினிமாவுல ஒரு நல்ல கம்பேக் கொடுக்க விஜய் இப்போ இந்த பிரம்மாண்டமான வரலாற்றுப் படத்தையே நம்பியிருக்கார். மைத்ரி மூவி மேக்கர்ஸ் தயாரிக்கும் இந்தப் படம் பான்-இந்தியா லெவல்ல ரிலீஸ் ஆகப்போகுது. விறுவிறுப்பான ஆக்ஷன் காட்சிகளோட, அந்த காலத்து அரசியலையும் பேசப்போற இந்தப் படத்தோட டைட்டில் என்னவா இருக்கும்னு யூகங்கள் இப்போவே பறக்க ஆரம்பிச்சிருச்சு. ‘ரணபேரி’ அல்லது ‘தி கன்’ போன்ற பெயர்கள் பரிசீலனையில இருக்கிறதா சொல்லப்படுது. ஆனா, ஜனவரி 26 வரைக்கும் நாம வெயிட் பண்ணிதான் ஆகணும். குடியரசு தினத்துல வர்ற அந்த அறிவிப்பு கண்டிப்பா ஒரு அதிரடியான ‘சம்பவமா’ இருக்கும்னு எதிர்பார்க்கலாம்!
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
