தமிழ் சினிமாவில் எப்போதும் ஒரு பரபரப்பை கிளப்பும் தம்பி ராமையா இப்போ ஒரு புது பஞ்சாயத்துல சிக்கியிருக்காரு. தன்னோட மகன் உமாபதி இயக்கத்துல உருவான ‘TN 2026’ படத்தோட டீசர் ரிலீஸான உடனே அது விஜய் சாரையும் அவரோட கட்சியையும் கிண்டல் பண்ற மாதிரி இருக்குன்னு ஒரு பேச்சு கிளம்புச்சு. இதப்பத்தி தமிழக வெற்றி கழகத்தோட முக்கிய புள்ளி ஆதிவ் அர்ஜுனா சில கேள்விகளை எழுப்ப அது இப்போ கோலிவுட்ல பெரிய விவாதமா மாறியிருக்கு.
தம்பி ராமையா, ‘நான் ஏற்கனவே ஆதிவ் அர்ஜுனா கிட்ட பேசினதா’ ஒரு தகவலையும் வெளியிட்டு இருக்காரு. அதுல அவர் சொன்ன விஷயம் ரொம்பவே முக்கியமானது. “ஆதிவ் அர்ஜுனா தம்பிக்கு என்னோட ஒரு வேண்டுகோள் என்னன்னா, வெறும் டீசரை மட்டும் பார்த்துட்டு ஒரு முடிவுக்கு வந்துடாதீங்க, அப்படின்னு ரொம்ப நிதானமா சொல்லியிருக்காரு. இந்த படம் விஜய் சாரையோ அவரோட கட்சியையோ ஒரு சின்ன இடத்துல கூட அட்டாக் பண்ணாதுன்னு” அடிச்சு சொல்லியிருக்காரு.
தளபதி கூட இருந்த நட்பு மறக்க முடியுமா… நாங்க ஏன் அவரை கிண்டல் பண்ணப்போறோம், அப்படின்னு கேட்ட தம்பி ராமையா, சில பழைய நினைவுகளையும் அங்க ஞாபகப்படுத்தினாரு. நான் விஜய் தம்பி கூட மூணு படங்கள்ல நடிச்சிருக்கேன். அதே மாதிரி இந்த படத்தோட ஹீரோ நட்டி நட்ராஜ் அவரோட ‘யூத்’ மற்றும் ‘புலி’ படங்கள்ல கேமராமேனா ஒர்க் பண்ணிருக்காரு. இவ்வளவு நெருக்கமான நட்பு இருக்கும்போது நாங்க எப்படி தப்பா யோசிப்போம் அப்படின்னு ஒரு லாஜிக்கான கேள்வியை வச்சாரு.
விஜய் தம்பி மேல எங்களுக்கு எப்பவும் ஒரு பெரிய மரியாதை இருக்கு அப்படின்னும் அவர் சொல்லியிருக்காரு. டீசரை பார்த்துட்டு விமர்சனம் பண்றது இயல்புதான் ஆனா முழு படத்தையும் பார்த்தா கண்டிப்பா உங்க எண்ணம் மாறும் அப்படின்னு உறுதியா நம்புறாரு தம்பி ராமையா. படம் ரிலீஸான பிறகு நீங்களே எனக்கு போன் பண்ணி சாரி கேப்பீங்க அப்படின்னு ஒரு சவாலையும் ஆதிவ் அர்ஜுனாவுக்கு விடுத்திருக்காரு.
ஆதிவ் அர்ஜுனாவுக்கு கொடுத்த அந்த வாக்குறுதி… நீங்க எப்பவும் இருந்த கட்சிகளுக்கு ரொம்ப விசுவாசமா இருப்பீங்க அது எனக்கு நல்லாவே தெரியும் அப்படின்னு ஆதிவ் அர்ஜுனாவை புகழ்ந்த தம்பி ராமையா, இந்த படம் உங்க மனசை ஒரு போதும் புண்படுத்தாது, அப்படின்னு சத்தியம் பண்ணாத குறையா சொல்லியிருக்காரு. அரசியல் சூழ்நிலையில எலக்சன் டைம்ல வர்றதுனால சில சந்தேகங்கள் வர்றது சகஜம்தான் அப்படின்னும் அவர் ஏத்துக்கிட்டாரு.
ஆனா சினிமாங்கிறது வேற, அரசியல்ங்கிறது வேற, அப்படின்னு தெளிவா பிரிச்சு காட்டியிருக்காரு தம்பி ராமையா. இந்த படம் ஒரு ஜாலியான அதே சமயம் மெசேஜ் சொல்ற படமா தான் இருக்கும் அப்படின்னு அவர் தரப்புல இருந்து விளக்கம் வந்திருக்கு. இப்போதைக்கு விஜய் ரசிகர்களும் டிவி்கே நிர்வாகிகளும் இந்த விளக்கத்தை எப்படி எடுத்துக்க போறாங்க? அப்படிங்கிறது தான் இப்போதைய மெயின் மேட்டர்.
படம் வந்தா உண்மை தெரிஞ்சுடும்… ஏப்ரல் 10-ம் தேதி படம் ரிலீஸாக போகுது அதுக்கு முன்னாடி வர்ற இந்த மாதிரி சர்ச்சைகள் படத்துக்கு ஒரு விதத்துல ஹைப் கொடுத்தாலும், தம்பி ராமையா இதை ஒரு எமோஷனல் விஷயமா தான் பார்க்குறாரு. தன்னோட மகன் கஷ்டப்பட்டு எடுத்த படம் எந்த விதமான அரசியல் சிக்கல்லயும் சிக்கக்கூடாது அப்படிங்கிறதுல அவர் ரொம்பவே குறியா இருக்காரு.
விஜய் சார் ரசிகர்கள் கிட்ட இருந்து வர்ற கமெண்ட்ஸையும், அவர் கவனிச்சுட்டு தான் இருக்காரு. அதனால தான் இவ்வளவு ஓப்பனா வந்து விளக்கம் கொடுத்திருக்காரு. ஆதிவ் அர்ஜுனா இதுக்கு மேல இந்த விஷயத்தை பெருசு பண்ணாம படம் வர்ற வரைக்கும் வெயிட் பண்ணுவாரு அப்படின்னு தான் கோலிவுட் வட்டாரத்துல பேசிக்கிறாங்க. தம்பி ராமையாவோட இந்த லோக்கல் ஸ்டைல் விளக்கம் இப்போ சோசியல் மீடியாவுல செம வைரல்.
