பாடல்களால் ‘மெகா ஹிட்’ ஆனா திரைப்படங்கள் நிறைய உண்டு. திரை உலகில் பாடகர்களுக்கு என ஒரு தனி மதிப்பும் இருக்கிறது. இவர்களது குரலில் வரும் பாடல்களை படங்களில் கேட்பதற்காகவே தியேட்டர்களுக்கு செல்லும் ரசிகர்களும் அதிகமே.
தனது வசிய குரலால் இசை பிரியர்களை கவர்ந்து இழுத்தவர் மலேசியா வாசுதேவன். எஸ்.பி.பாலசுப்ரமணியனுக்கு தொண்டையில் ஏற்பட்ட பிரச்சனையின் காரணமாக பாடல் பாடுவதற்காக அழைக்கப்பட்டவர் தான் ‘வாசு’.
“16 வயதினிலே” படத்தில் கமல்ஹாசனுக்காக அவர் பாடிய ‘ஆட்டுக்குட்டி முட்டையிட்டு’ பாடல் மூலம் துவங்கியது இவரது சினி வாழ்க்கை.
பாரதிராஜா,இளையராஜா,ரஜினி,கமல், ஸ்ரீதேவி, கவுண்டமணி என அனைவரின் ரசிகர்களுக்கும் ஒட்டுமொத்த ‘ட்ரீட்டாக’ அமைந்த படம் அது.
தொடர்ந்து அவர் பாடிய பாடல்கள் பல சூப்பர் ஹிட் ஆனது. சிவாஜி கனேசனுக்காக “முதல் மரியாதை” படத்தில் வரும் ‘பூங்காத்து திரும்புமா’ பாடல் இன்று வரை நம் காதுகளில் ஒலித்துக் கொண்டுதான் இருக்கிறது.
இப்போது ‘ரீமிக்ஸ்’ செய்யப்படும் பாடல்களில் பல மலேசியா வாசுதேவன் பாடியது. “ஆசை நூறு வகை”, “காதல் வைபோகமே”, ‘மைக்கேல் மதன காமராஜன்’ திரைப்படத்தில் இடம் “பேரு வச்சாலும் வைக்காம” பாடல்களாக இருக்கட்டும் இவரது குரலிலேயே இரண்டாவது ரவுண்டு வந்துள்ளது.
“ஓப்பனிங் சாங்” என்றால் இது தான் என சொல்ல வைத்து முரட்டுக்காளை” படத்தில் வரும் ‘பொதுவாக என் மனசு தங்கம்’ பாடல். ரசிகர்கள் ரஜினியை தலையில் வைத்து கொண்டாட நினைக்கும் நேரத்தில் எல்லாம் இந்த பாடல் இசைக்கப்பட்டு வருகிறது.
வலைதள ‘டெம்ப்லேட்’களுக்காக பயன்படுத்தப்படும் பாடலாக இன்றும் இருக்கிறது.
