தமிழ் மற்றும் இந்திய திரையுலகில் தனது வித்தியாசமான கிரிமினல் மற்றும் அதிரடித் திரைப்படங்களால் அறியப்படும் பிரபல இயக்குநர் ராம் கோபால் வர்மா (Ram Gopal Varma), தனது அடுத்த புதிய திரைப்படமான ‘போலீஸ் கம்பெனி’ (Police Company) குறித்த அதிகாரப்பூர்வ அறிவிப்பை வெளியிட்டுள்ளார். டி-சீரிஸ் நிறுவனம் தயாரிக்கவுள்ள இப்படத்திற்கு “இது டி கம்பெனியை விட மிகவும் ஆபத்தானது” (It Is More Dangerous Than D Company) என்ற மிரட்டலான டேக்லைன் கொடுக்கப்பட்டுள்ளது.
மும்பை underworld வரலாற்றின் பின்னணியில் உருவாகும் இப்படத்தின் கதை குறித்து ஆர்.ஜி.வி விரிவாக விளக்கியுள்ளார். தாவூத் இப்ராஹிம் தனது எதிரிகளை ஒழித்துவிட்டு தனது கேங்கை ஒரு கம்பெனியாக மாற்றிய பின்னணியும், 1990களில் மும்பை காவல்துறையால் உருவாக்கப்பட்ட சிறப்பு என்கவுண்டர் படை கும்பல்களின் எழுச்சியையும், இப்படம் பேசுகிறது.
குறிப்பாக, 1997 முதல் 2004 வரை 300-க்கும் மேற்பட்ட ரவுடிகளை ஒழித்துக்கட்டிய அந்த சிறப்புப் படையைச் சேர்ந்த பிரபல காவல்துறை அதிகாரியான தயா நாயக் (Daya Nayak) பாத்திரத்தை மையமாகக் கொண்டு இப்படம் உருவாகிறது. இதில் தயா நாயக் கதாபாத்திரத்தில் நடிகர் ஹர்ஷ் வர்தன் ரானே (Harshvardhan Rane) கதாநாயகனாக நடிக்கவுள்ளார். இப்படத்தில் பல முன்னணி நட்சத்திரங்கள் இணைந்து நடிக்கவுள்ள நிலையில், அவர்களின் விவரங்கள் விரைவில் வெளியாகும் என எதிர்பார்க்கப்படுகிறது.
