தமிழ் திரையுலகில் பிரம்மாண்ட பட்ஜெட் படங்கள் முதல் தரமான கதையம்சம் கொண்ட சிறு பட்ஜெட் படங்கள் வரை தொடர்ந்து தயாரித்து வரும் முன்னணி தயாரிப்பு நிறுவனமாக வலம் வருவது ஐசரி கணேஷின் (Ishari K Ganesh) வேல்ஸ் ஃபிலிம் இன்டர்நேஷனல் (Vels Film International) நிறுவனம் ஆகும்.
சமீபத்தில் தங்களது தயாரிப்பில் உருவான ‘கர’ (Kaara) திரைப்படத்தை வெற்றிகரமாக திரையரங்குகளில் வெளியிட்டிருந்த நிலையில், தற்பொழுது ஒட்டுமொத்த கோலிவுட் திரையுலகமே வியந்து பார்க்கும் வகையில் தங்களது அடுத்தடுத்த மெகா பிராஜெக்டுகளின் அதிரடி ரிலீஸ் லைன்-அப் விபரங்களை தயாரிப்பாளர் ஐசரி கணேஷ் அதிகாரப்பூர்வமாகப் பகிர்ந்துள்ளார். இந்த அதிரடி அறிவிப்புகள் அனைத்தும் தற்பொழுது கோலிவுட் வட்டாரங்களில் பெரும் பேசுபொருளாக மாறியுள்ளது.
அவர் வெளியிட்டுள்ள அதிகாரப்பூர்வ தகவலின்படி, ‘கர’ ரிலீஸைத் தொடர்ந்து அடுத்த மாதம் ஜூலை 3-ம் தேதி (வெள்ளிக்கிழமை) விஷ்ணு விஷால் நடிப்பில் வெளியாகி பிளாக்பஸ்டர் ஹிட்டடித்த ஸ்போர்ட்ஸ் comedy டிராமா திரைப்படத்தின் இரண்டாம் பாகமான ‘கட்டா குஸ்தி 2’ (Gatta Kusthi 2) உலகளவில் திரையரங்குகளில் பிரம்மாண்டமாக வெளியாகவுள்ளது. இந்த அறிவிப்பு தற்போதே திரையரங்கு உரிமையாளர்கள் மற்றும் ரசிகர்களிடையே பெரும் எதிர்பார்ப்பை ஏற்படுத்தியுள்ளது. இதனைத் தொடர்ந்து, ஆர்.ஜே. பாலாஜி மற்றும் நயன்தாரா கூட்டணியில் வெளியாகி மாபெரும் வெற்றி பெற்ற பக்தி நகைச்சுவைத் திரைப்படத்தின் தொடர்ச்சியான ‘மூக்குத்தி அம்மன் 2’ (Mookuthi Amman 2) திரைப்படம் மிக விரைவில் திரைக்கு வரத் தயாராகி வருவதாகத் தெரிவித்துள்ளார்.
மேலும், வேல்ஸ் நிறுவனத்தின் தயாரிப்பில் ரசிகர்கள் ஆவலோடு எதிர்பார்த்துக் காத்துக்கொண்டிருக்கும் மற்றுமொரு முக்கிய திரைப்படமான ‘டயங்கரம்’ (Dayangaram) திரைப்படம் குறித்த மிக முக்கியமான அப்டேட்டையும் ஐசரி கணேஷ் உடைத்துள்ளார். ‘டயங்கரம்’ திரைப்படத்தின் ஒட்டுமொத்த படப்பிடிப்பு வேலைகளும் தற்பொழுது கிட்டத்தட்ட முழுமையாக நிறைவடைந்துள்ளதாகவும், தற்பொழுது படத்தின் இறுதி கட்ட போஸ்ட் புரொடக்ஷன் (Post-production work) வேலைகள் மிகவும் விறுவிறுப்பாக நடந்து வருவதாகவும் அவர் குறிப்பிட்டுள்ளார்.
இப்படத்தின் தொழில்நுட்பப் பணிகள் அனைத்தும் சர்வதேச தரத்தில் செதுக்கப்பட்டு வருவதால், ரசிகர்களுக்கு இது ஒரு சிறந்த தியேட்டர் அனுபவமாக இருக்கும் என்பதில் சந்தேகமில்லை. ‘கட்டா குஸ்தி 2’ மற்றும் ‘மூக்குத்தி அம்மன் 2’ ஆகிய படங்களின் பிரம்மாண்ட ரிலீஸைத் தொடர்ந்து ‘டயங்கரம்’ தியேட்டர்களில் வெளியாகும் எனத் தயாரிப்பாளர் ஐசரி கணேஷ் உறுதிப்படுத்தியுள்ளார்.
