தமிழ் சினிமாவுல இப்போ செம ஹாட் டாபிக் ‘TN 2026′ படத்தோட பஞ்சாயத்து தான். நட்டி நட்ராஜ் நடிப்புல வெளியாகப்போற இந்தப் படத்தோட டீசர் வந்தப்பயே, அது விஜய் சாரை கலாய்க்கிற மாதிரி இருக்குன்னு டிவி்கே தரப்புல இருந்து பயங்கரமான எதிர்ப்புகள் கிளம்புச்சு. இதுக்கு விளக்கம் கொடுக்க TN 2026’ படத்துக்காக நடந்த பிரஸ்மீட்ல நட்டி நட்ராஜ் ரொம்ப ஓப்பனா சில விஷயங்களைப் பேசியிருக்காரு.
இயக்குநர் உமாபதி சொன்ன மாதிரி விஜய் சார் ஒரு சிங்கம், அந்தச் சிங்கத்தை நான் ரொம்ப பக்கத்துல இருந்து பார்த்திருக்கேன் அப்படின்னு ஆரம்பிச்ச நட்டி, அவரை அவமதிக்கிற எண்ணம் எங்களுக்கு ஒருபோதும் இல்லை, அப்படின்னு சொன்னாரு. டிவி்கே தம்பிகளுக்கு என்னோட வாழ்த்துகள், இந்தத் தகவல் ஆதிவ் அர்ஜுனா சாருக்குப் போய்ச் சேரும்னு நம்புறேன்… அப்படின்னு ரொம்ப பணிவா பேசினாரு.
வேறொரு தலைவர் லுக் டூ விஜய்… படத்துல இருக்குற லுக் பத்தி கேட்டதுக்கு, நட்டி ஒரு சீக்ரெட்டை உடைச்சாரு. முதல்ல நாங்க வேறொரு மாநில தலைவர் லுக்கை தான் ட்ரை பண்ணோம், ஆனா அதை அப்படியே வச்சா கிண்டல் பண்ற மாதிரி இருக்கும்னு சில மாற்றங்கள் செஞ்சோம். ஆனா கடைசியில அது பார்க்க விஜய் சார் லுக் மாதிரி வந்துடுச்சு அப்படின்னு நேர்மையா ஒத்துக்கிட்டாரு.
ஷூட்டிங் டைம்ல கூட என்னைப் பார்த்த பல பேர் விஜய் சார்னு தப்பா நினைச்சு போட்டோ எடுக்க வந்திருக்காங்க அப்படின்னு நட்டி சிரிச்சுக்கிட்டே சொன்னாரு. டீசர்ல நீங்க பார்த்தது ஒரு சின்ன பார்ட் தான், படத்துல எனக்கு நாலு கெட்டப் இருக்கு அப்படின்னு இன்னொரு சர்ப்ரைஸையும் கொடுத்திருக்காரு. விஜய் சாரே இந்தப் படத்தைப் பார்த்தாலும் கண்டிப்பா எதுவும் சொல்ல மாட்டாரு, ஏன்னா இதுல யாரையும் தப்பா காட்டல அப்படின்னு அவரு அடிச்சு சொல்லியிருக்காரு.
எல்லாமே ஒரு பயணம் தான்… ஒரு கேரக்டரோட நாலு வேற வேற பயணங்களை இந்தப் படத்துல காட்டியிருக்கோம். கெட்டப் மட்டும் இல்லாம என்னோட நடையும் விஜய் சார் மாதிரி இருக்குன்னு சொல்றாங்க, ஆனா படத்தைப் பார்த்தா உங்களுக்கே உண்மை புரியும்னு நட்டி நம்பிக்கையா பேசுனாரு. அரசியல் ஆசை இருக்குற ஒருத்தரோட வாழ்க்கையை ஜாலியா சொல்லியிருக்கோம், இதை யாரும் சீரியஸா எடுத்துக்க வேணாம் அப்படின்னு அவர் கேட்டுக்கிட்டாரு.
தம்பி ராமையாவோட மகன் உமாபதி இந்த கதையை ரொம்ப நேர்த்தியா செதுக்கியிருக்காரு. ஏப்ரல் 10-ம் தேதி படம் வரும்போது ரசிகர்களுக்கு ஒரு நல்ல என்டர்டெயின்மென்ட் காத்துக்கிட்டு இருக்கு. விஜய் ரசிகர்களுக்கு நாங்க எப்பவும் எதிரி கிடையாது, நாங்களும் அவரோட ரசிகர்கள் தான் அப்படின்னு சொல்லி நட்டி இந்தப் பஞ்சாயத்துக்கு ஒரு முற்றுப்புள்ளி வைக்கப் பார்த்திருக்காரு.
