குடும்பங்கள் கொண்டாடும் கதைகளுக்கும், ஒட்டுமொத்தமாக அனைவரும் ஒன்றாக அமர்ந்து பார்க்கக்கூடிய பொழுதுபோக்கு திரைப்படங்களுக்கும் எப்போதுமே தனி மவுசு உண்டு. தியேட்டருக்கு வரும் ரசிகர்களை எவ்வித முகம் சுளிப்பும் இல்லாமல் ஜாலியாக சிரிக்க வைத்து, நெகிழ வைக்கக்கூடிய ஒரு புதிய நல்வரவாக கோலிவுட்டில் தற்பொழுது ஒரு புதிய திரைப்படம் தயாராகி வருகிறது. அந்த வகையில், ரசிகர்களைக் கவரும் வண்ணம் உருவாகியுள்ள மெய் அழகி திரைப்படத்தின் அதிகாரப்பூர்வ ஃபர்ஸ்ட் லுக் போஸ்டர் தற்பொழுது வெளியாகியுள்ளது.
பிங்க் ஃபிலிம் டிவிஷன் மற்றும் எஸ்ஆர்எம் ஃபிலிம் மீடியா நிறுவனங்கள் இணைந்து தயாரிக்கும் மெய் அழகி திரைப்படத்தின் அதிகாரப்பூர்வ ஃபர்ஸ்ட் லுக் போஸ்டர் பிரம்மாண்டமான முறையில் வெளியிடப்பட்டுள்ளது. மிக விரைவில் ஒட்டுமொத்த குடும்பமும் கொண்டாடும் ஒரு புதிய ரக பொழுதுபோக்கு திரைப்படம் என்கிற பாசிட்டிவான அறிவிப்புடன் இந்த ஃபர்ஸ்ட் லுக் போஸ்டர் வெளியாகியுள்ளது. வினோத் பிரணவ், பால் ஜஸ்டின், செல்வகோஹி உள்ளிட்ட பல இளம் திறமையாளர்கள் இந்த ப்ராஜெக்ட்டில் இணைந்து களமிறங்கியுள்ளனர்.
View this post on Instagram
இந்த படத்திற்கு தமிழ் சினிமாவின் தேனிசைத் தென்றல் தேவா மற்றும் அவரது மகனான பிரபல இசையமைப்பாளர் ஸ்ரீகாந்த் தேவா இருவரும் இணைந்து இசையமைப்பது தான் இந்த படத்தின் மிகப்பெரிய ஹைலைட் ஆகும். நீண்ட இடைவெளிக்குப் பிறகு தேவாவின் மெலடி மற்றும் ஸ்ரீகாந்த் தேவாவின் எனர்ஜிட்டிக் மியூசிக் காம்போ இந்த படத்தில் இணைந்திருப்பது இசை பிரியர்கள் மத்தியில் பெரிய எதிர்பார்ப்பை ஏற்படுத்தியுள்ளது. மேலும், இந்தப் படத்தின் பாடல்களைப் பிரபல பாடலாசிரியர் பா. விஜய் எழுதியுள்ளார்.
இந்த படத்தில் சீனியர் நடிகை பூர்ணிமா பாக்யராஜ், பருத்திவீரன் புகழ் சரவணன் மற்றும் காமெடி நடிகர் சிங்கம்புலி ஆகியோர் முக்கிய கதாபாத்திரங்களில் இணைந்து நடித்துள்ளனர். இவர்களுடன் ஒரு பெரிய நட்சத்திர பட்டாளமே இந்த படத்தில் கலகலப்பான வேடங்களில் நடித்துள்ளனர். குடும்ப உறவுகளின் மேன்மையையும், பாசத்தையும் மையமாக வைத்து மிகவும் எதார்த்தமான முறையில் இந்த படத்தின் கதைக்களம் உருவாக்கப்பட்டுள்ளது. தற்பொழுது வெளியாகியுள்ள இந்த மெய் அழகி படத்தின் கியூட்டான ஃபர்ஸ்ட் லுக் போஸ்டர் சினிமா ரசிகர்களை கவர்ந்துள்ளது.
தேவா மற்றும் ஸ்ரீகாந்த் தேவாவின் கூட்டு இசையில், பூர்ணிமா பாக்யராஜ் மற்றும் சரவணன் காம்போவில் வரவிருக்கும் இந்த மெய் அழகி திரைப்படம் திரையரங்குகளில் குடும்ப ரசிகர்களுக்கு ஒரு செம ஜாலியான ட்ரீட்டாக அமையப்போவது உறுதி. பக்கா ஃபேமிலி எலிமெண்ட்டுகளுடன் பெரிய திரையில் ரிலீஸாகக் காத்துக்கொண்டிருக்கும் இந்த படத்தின் அடுத்தடுத்த டீசர் மற்றும் பாடல்கள் குறித்த அப்டேட்டுகளுக்காக நாமும் கொஞ்சம் வெயிட் பண்ணிப் பார்ப்போம்!
