திரையரங்குகளில் வெளியாகி ரசிகர்களை வயிறு குலுங்க சிரிக்க வைக்கும் பக்கத்து மாநிலத் திரைப்படங்களுக்குத் தமிழகத்திலும் எப்போதுமே ஒரு தனி மவுசு உண்டு. அந்த வகையில், கடந்த ஏப்ரல் மாதம் தியேட்டர்களில் ரிலீஸாகி பாக்ஸ் ஆபீஸில் வசூல் வேட்டையாடிய ஒரு கலகலப்பான ரொமாண்டிக் காமெடி டிராமா மதுவிது (Madhuvidhu). தியேட்டர்களில் 11 கோடிக்கும் மேல் வசூலித்து செம ஹிட்டடித்த இத்திரைப்படம், தற்போது நாளை முதல் (மே 22) ஓடிடி ரசிகர்களைக் கவர அதிகாரப்பூர்வமாகத் தயாராகிவிட்டது.
இயக்குநர் விஷ்ணு அரவிந்த் (Vishnu Aravind) இயக்கத்தில், ஹெஷாம் அப்துல் வஹாப் (Hesham Abdul Wahab) இசையமைப்பில் உருவான மதுவிது திரைப்படம் நாளை முதல் (மே 22) சோனி லிவ் (Sony LIV) ஓடிடி தளத்தில் தமிழ், தெலுங்கு உள்ளிட்ட மொழிகளில் பிரீமியர் ஆகிறது. “பொதுவாகக் கல்யாணத்துக்கு நடுவுல தான் பல பிரச்சினைகள் வரும்; ஆனா இங்க பிரச்சினைகளுக்கு நடுவுல தான் கல்யாணமே நடக்கப் போகுது” என்கிற செம கலகலப்பான டேக்லைனுடன் சோனி லிவ் தமிழ் இந்த அறிவிப்பை வெளியிட்டுள்ளது.
அஞ்சலிமூடு என்கிற பாரம்பரியமிக்க, அதே சமயம் ஐந்து ஆண்கள் மட்டுமே வாழும் ஒரு வினோதமான கூட்டுக்குடும்பத்துப் பின்னணியில் தான் இந்த படத்தின் கதைக்களம் அமைக்கப்பட்டுள்ளது. இந்த வீட்டின் இளம் தலைமுறையான அம்மு என்கிற அமிர்தராஜிற்குப் பல போராட்டங்களுக்குப் பிறகு சினேகா என்பவருடன் திருமணம் நிச்சயமாகிறது. திருமணத்திற்குப் பிறகு இந்த புதுமணத் தம்பதியின் வாழ்வில் ஏற்படும் எதிர்பாராத ஈகோ பிரச்சினைகளும், குடும்பத்தினர் செய்யும் லூட்டிகளும் தான் படத்தின் சுவாரஸ்யமான திரைக்கதை.
இப்படத்தில் அல்டிமேட் நாயகனாக ஷரஃபுதீன் (Sharaf U Dheen) நடிக்க, அவருக்கு ஜோடியாகப் பிரபல பழம்பெரும் நடிகை பிந்து பணிக்கரின் மகள் கல்யாணி பணிக்கர் (Kalyani Panicker) கதாநாயகியாக அறிமுகமாகியுள்ளார். இவர்களுடன் ஜெகதீஷ், சாய் குமார் மற்றும் அஜீஸ் நெடுமங்காடு ஆகியோர் முக்கிய கதாபாத்திரங்களில் தங்களது டைமிங் காமெடியால் அசத்தியுள்ளனர். பிபின் மோகன் மற்றும் ஜெய் விஷ்ணு இணைந்து எழுதியுள்ள இந்த க்யூட்டான ஃபேமிலி எண்டர்டெய்னர், தியேட்டர்களைத் தொடர்ந்து நாளை முதல் ஓடிடி தளத்திலும் ரசிகர்களுக்கு ஒரு பக்கா வீக்கெண்ட் ட்ரீட்டாக அமையப் போவது உறுதி.
