நடிகை கீர்த்தி சுரேஷுக்கும் பாஜகவை சேர்ந்த தொழிலதிபர் ஒருவருக்கும் விரைவில் திருமணம் நடக்க இருப்பதாக செய்திகள் வெளியாகியுள்ளன.
தமிழ் சினிமாவில் கிளாமர் ரோல்கள் நடிக்காமல் குடும்பப் பாங்கான கதாபாத்திரங்களாக நடித்து முன்னணி கதாநாயகியாக வலம் வருபவர் கீர்த்தி சுரேஷ். கடந்த ஆண்டு இவர் நடித்த மகாநடி படத்துககாக தேசிய விருது பெற்றார். இப்போது ரஜினிக்குத் தஙகையாக அண்ணாத்த படத்தில் நடித்து வருகிறார்.
இந்நிலையில் இவரது திருமணச் செய்தி பற்றி நகைச்சுவை நடிகரும் பத்திரிக்கையாளருமான பயில்வான் ரங்கநாதன் ஒரு செய்தியை தெரிவித்துள்ளார். அதில் ‘நடிகை கீர்த்தி சுரேஷின் தந்தையான சுரேஷ் குமார் பாஜகவுக்கு ஆதரவாளராக அறியப்படுபவர். இந்நிலையில் பாஜகவைச் சேர்ந்த ஒரு தொழிலதிபரை அவர் தன் மகளுக்கு திருமணம் செய்ய முடிவு செய்துள்ளதார். அதற்கு கீர்த்தி சுரேஷ் சம்மதம் தெரிவித்துள்ளார். ‘எனக் கூறியுள்ளார். ஆனால் அந்த தொழிலதிபர் யார் என்பது குறித்து அவர் தெரிவிக்கவில்லை.
