கோலிவுட்டின் மாடர்ன் ட்ரெண்ட்செட்டர் இயக்குநரான கார்த்திக் சுப்புராஜ் (Karthik Subbaraj) தற்பொழுது தனது 10-வது திரைப்படத்தை இயக்கி முடித்துள்ளார். ஜியோ ஸ்டுடியோஸ் மற்றும் சீக்யா எண்டர்டெய்ன்மென்ட் இணைந்து தயாரிக்கும் இந்த படத்திற்கு, இந்திய சினிமாவின் ராகதேவன் இசைஞானி இளையராஜா (Ilaiyaraaja) இசையமைக்கிறார் என்பது நாம் அறிந்ததே. இது இளையராஜாவின் 1540-வது படமாகும். இந்த நிலையில், இந்த படத்தின் மியூசிக் அப்டேட் குறித்து இயக்குநர் கார்த்திக் சுப்புராஜ் வெளியிட்டுள்ள ஒரு அதிகாரப்பூர்வ அறிக்கை ஒட்டுமொத்த இந்திய சினிமா உலகையும் ஆச்சரியத்தில் ஆழ்த்தியுள்ளது.
பொதுவாகப் படங்கள் ரிலீஸான பிறகுதான் பின்னணி இசை ஆல்பத்தை (OST) ரிலீஸ் செய்வார்கள், ஆனால் இந்த படத்தோட பிஜிஎம்-ஐ படம் ரிலீஸாவதற்கு முன்பே தனி ஆல்பமாக ரிலீஸ் செய்யப் போறாங்களாம். இதுகுறித்து நெகிழ்ச்சியுடன் பேசியுள்ள கார்த்திக் சுப்புராஜ், “ராஜா சாருடன் பணியாற்றிய அந்த 25 நாட்கள் ஒரு ஆன்மீகப் பயணம் போல இருந்தது. படத்தின் முதல் பாதி எடிட்டைப் பார்த்துவிட்டு அவர் பின்னணி இசை அமைக்கத் தொடங்கினார். வேலைகள் முடிந்ததும், ‘இந்தப் படத்தின் பாடல்கள் மட்டுமில்ல கார்த்திக், பின்னணி இசையையும் படம் ரிலீஸாவதற்கு முன்பே ஒரு தனி ஆல்பமாக ரிலீஸ் செய்ய வேண்டும்’ என்று ராஜா சாரே என்னிடம் கூறினார்” எனத் தெரிவித்துள்ளார்.
View this post on Instagram
“சினிமாவும் இசையும் உணர்வுப்பூர்வமானவை, இந்த படத்தோட பின்னணி இசை அந்தளவுக்கு அற்புதமாக வந்திருக்கு” என்று இசைஞானி இளையராஜாவும் பாராட்டியுள்ளார். கார்த்திக் சுப்புராஜின் படங்களில் எப்போதுமே இளையராஜாவின் பழைய கிளாசிக் பாடல்களின் ரெஃபரன்ஸ்கள் மற்றும் ட்விஸ்ட்டுகள் அதிகம் இருக்கும். தற்பொழுது முதன்முறையாக இந்த மாஸ் கூட்டணியே நேரடியாக இணைந்துள்ளதால், படத்தின் பாடல்கள் மற்றும் பின்னணி இசை மீதான எதிர்பார்ப்பு ரசிகர்களிடையே விண்ணைத் தொட்டுள்ளது. ராஜா சாரே முன்வந்து இந்த ஐடியாவை கொடுத்திருப்பது படத்தின் வெறித்தனமான அவுட்புட்டிற்கு ஒரு சான்றாகப் பார்க்கப்படுகிறது.
About my 10th Dream……❤️
Maestro @ilaiyaraaja Sir 🙏@guneetm @Achin1087 #JyotiDeshpande@sikhyaent @jiostudios #DhammamFilms#Dream10Blessing1540#KS10Maestro1540https://t.co/Gs2QxEH1od pic.twitter.com/3MU0g19ViA
— karthik subbaraj (@karthiksubbaraj) May 22, 2026
இந்தியத் திரையுலக வரலாற்றிலேயே படம் வெளியாவதற்கு முன்பே ஒரு படத்தின் ஒட்டுமொத்த பின்னணி இசையும் தனி ஆல்பமாக ரிலீஸாவது இதுவே முதல்முறை என்று நெட்டிசன்கள் கொண்டாடி வருகின்றனர். கார்த்திக் சுப்புராஜ் எக்ஸ் (X) மற்றும் இன்ஸ்டாகிராம் பக்கங்களில் பகிர்ந்துள்ள இந்த எமோஷனல் அறிக்கை தற்பொழுது சினிமா வட்டாரங்களில் மிகப்பெரிய டாக்கின் பாயிண்ட்டாக மாறியுள்ளது. படத்தின் தலைப்பு மற்றும் ஃபர்ஸ்ட் லுக் போஸ்டர் இன்னும் சில தினங்களில் வெளியாகப் போவதாகவும் படக்குழுவினர் ஹிண்ட் கொடுத்துள்ளனர்.
