இயக்குனர் ராஜமவுலியின் பிரம்மாண்ட படைப்பான பாகுபலி இந்திய அளவில் பெரும் வெற்றியைக் குவித்தது. இவர் அண்டை மாநிலமான தெலுங்கு திரையுலகில் மிகவும் பிரம்மாண்டத்தில் கூடிய ஹிட் படங்களை கொடுக்கக்கூடிய இயக்குனர். தெலுங்கு சினிமாவில் இவரின் இயக்கத்தில் பல்வேறு படங்கள் வெளியாகி பெரும் அளவில் ஹிட்டடித்தது, இதனை பாக்ஸ் ஆபீஸ் ஹிட் என்றே சொல்லலாம்.
ராஜமௌலி புதிதாக ஆர்ஆர்ஆர்(RRR) என்ற படத்தை தெலுங்கு, தமிழ், ஹிந்தி, மலையாளம், கன்னடம் ஆகிய மொழிகளில் இயக்கவுள்ளார். இந்த அனைத்து மொழிகளிலுமே ராம்சரண் மற்றும் ஜூனியர் என்டிஆர் நடிக்கின்றனர்.
நடிகர் ராம்சரணின் பிறந்த நாளை (மார்ச் 27) முன்னிட்டு அவரின் பிறந்தநாள் பரிசாக ஆர்ஆர்ஆர்(RRR) படத்தின் ஃபர்ஸ்ட் லுக் வீடியோ 5 மொழிகளிலும் வெளியிடப்பட்டது. அதில் தெலுங்கு விடியோவை ஜூனியர் என்டிஆர் அவர்கள் தன் ட்விட்டர் பக்கத்தில் வெளியிட்டார்.
As promised, I give you @AlwaysRamCharan!
Happy birthday brother! Will cherish our bond forever.#BheemforRamaraju https://t.co/nCiO2YLgs2— Jr NTR (@tarak9999) March 27, 2020
அந்த வீடியோவில் ராம் சரணின் கதாபாத்திரத்தின் முக்கியத்துவத்தை குறித்து ஜூனியர் என்டிஆர் அனைத்து மொழிகளிலுமே தன் சொந்த குரலில் பின்னணியில் பேசியுள்ளார். இப்போது ரசிகர்கள் இந்த படத்தின் ஜூனியர் என்டிஆரின் ஃபர்ஸ்ட் லுக் வீடியோ எப்போது வரும் என்று எதிர்பார்த்து வருகின்றனர். ராம்சரண் போலவே ஜூனியர் என்டிஆரின் கதாபாத்திரத்தின் விடியோவை அவரது பிறந்தநாள் அப்போது வெளியிடப்படலாம் என்றும் கூறப்படுகிறது.
