தமிழ் திரையுலகில் வாரிசு நடிகர்களின் வருகை எப்போதுமே பெரிய அளவில் பேசப்படும் விஷயமாகும். ஆனால், அதற்கு முற்றிலும் மாறாக ஒரு உச்ச நட்சத்திரத்தின் மகனாக இருந்தும், நடிப்பை விடுத்து ஹாலிவுட் தரம் வாய்ந்த தொழில்நுட்பங்களை வெளிநாட்டில் கற்றுக்கொண்டு முழுநேர இயக்குநராக கோலிவுட்டில் தடம் பதிக்க வருகிறார் ஒரு நட்சத்திர வாரிசு. அந்த வகையில், தமிழக முதல்வர் விஜய்யின் மகன் ஜேசன் சஞ்சய் இயக்குநராக அறிமுகமாகும் புதிய படத்தின் தியேட்டர் ரிலீஸ் தேதி குறித்த மெகா அறிவிப்பு தற்பொழுது வெளியாகி இணையத்தைக் கலக்கி வருகிறது.
இந்தியாவின் முன்னணி பிரம்மாண்ட தயாரிப்பு நிறுவனமான லைகா புரொடக்ஷன்ஸ் தயாரிப்பில், ஜேசன் சஞ்சய் கதை மற்றும் திரைக்கதை எழுதி இயக்கியுள்ள தங்களது முதல் மைல்கல் திரைப்படம் தான் சிக்மா. ஒட்டுமொத்த கோலிவுட் வட்டாரங்களும் ஆவலோடு எதிர்பார்த்துக் காத்திருந்த இந்த விறுவிறுப்பான ஆக்ஷன் மற்றும் அதிரடித் திரைப்படம் வரும் ஜூலை 31 ஆம் தேதி உலகமெங்கும் உள்ள திரையரங்குகளில் பிரம்மாண்டமாக வெளியாகவுள்ளது. ஒரு மிகச்சிறந்த மற்றும் விறுவிறுப்பான ஹை-ஸ்டேக்ஸ் கொள்ளைச் சம்பவத்தை மையமாகக் கொண்ட ஆக்ஷன் கதையாக இந்த படம் உருவாகியுள்ளது.
இந்த படத்தில் திறமை வாய்ந்த இளம் நடிகர் சந்தீப் கிஷன் முதன்மை வேடத்தில் நடித்துள்ளார். இவருக்கு ஜோடியாக ஜாதி ரத்னலு பட புகழ் ஃபரியா அப்துல்லா கதாநாயகியாக நடித்துள்ளார். மேலும், இந்த படத்தில் பிரபல நடன இயக்குநர் ராஜு சுந்தரம், சீனியர் நடிகர் சம்பத் ராஜ், ஷிவ் பண்டிட் மற்றும் அன்புதாசன் என ஒரு பெரிய நட்சத்திர பட்டாளமே முக்கிய கதாபாத்திரங்களில் நடித்துள்ளனர். தற்பொழுது வெளியாகியுள்ள இந்த படத்தின் அதிகாரப்பூர்வ ரிலீஸ் தேதி போஸ்டர் ரசிகர்கள் மத்தியில் பெரிய எனர்ஜியைக் கொடுத்துள்ளது.
லண்டன் மற்றும் டொரண்டோ போன்ற வெளிநாட்டு ஃபிலிம் ஸ்கூல்களில் திரைக்கதை மற்றும் திரைப்பட உருவாக்கத்திற்கான உயர்கல்வியைப் பயின்று முடித்த ஜேசன் சஞ்சய், தங்களது முதல் படத்திலேயே ஆக்ஷன், காமெடி, புதையல் வேட்டை மற்றும் கொள்ளைச் சம்பவங்கள் என அனைத்து கமர்ஷியல் எலிமெண்ட்டுகளையும் பக்காவாகக் கலந்து இந்த கதையை உருவாக்கியுள்ளார். இந்த படத்திற்கு தென்னிந்தியாவின் முன்னணி மியூசிக் டைரக்டர் தமன் இசையமைத்துள்ளார் என்பது படத்திற்கு மிகப்பெரிய பலமாகும். தற்பொழுது இந்த படத்தின் படப்பிடிப்புகள் முழுமையாக முடிவடைந்து போஸ்ட் புரொடக்ஷன் வேலைகள் மிகவும் விறுவிறுப்பாக நடந்து வருகின்றன.
லைகா நிறுவனம் வெளியிட்டுள்ள இந்த அதிரடியான ரிலீஸ் தேதி அனௌன்ஸ்மென்ட் போஸ்டர் வெளியான சில நிமிடங்களிலேயே ஒட்டுமொத்த விஜய் ரசிகர்கள் மற்றும் சினிமா லவ்வர்ஸால் சமூக வலைத்தளங்களில் செம ஸ்பீடாகப் பகிரப்பட்டு ட்ரெண்டாகி வருகிறது. தமிழக முதல்வராக விஜய் பொறுப்பேற்ற பிறகு, அவரது மகனின் முதல் படம் தியேட்டருக்கு வரவிருப்பது தமிழ் திரையுலகில் இப்போதே மிகப்பெரிய எதிர்பார்ப்பையும் வியாபார ரீதியான ஹைப்பையும் ஏற்படுத்தியுள்ளது. இணையத்தை ஆக்கிரமித்துள்ள இந்த புதிய சிக்மா படத்தின் அடுத்தடுத்த டீசர் மற்றும் பாடல்கள் குறித்த அப்டேட்டுகளைப் பொருத்து இருந்தது பார்ப்போம்!
கிரிஷ். இவர் டிஜிட்டல் செய்தி துறையில் துறையில் 5 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள செய்தி பிரிவில் பணியாற்றிய அனுபவம் கொண்டவர். சினிமா, விளையாட்டு சார்ந்த செய்திகள் வழங்குவதில் ஆர்வம் உள்ளவர்.
