இயக்குனர் எஸ்.ஏ சந்திரசேகரிடம் ஒரு காலத்தில் உதவியாளராக பணியாற்றி சிறு சிறு வேடங்களில் நடித்து வந்தவர் ஷங்கர். பின்பு பவித்ரனிடம் சூரியன் படத்தில் இணைந்து உதவி இயக்குனராக பணியாற்றினார்.
அந்த படத்தின் தயாரிப்பாளர் கேடி குஞ்சுமோனின் நட்பால் தன் அடுத்த படமான ஜென் டில் மேன் படத்தை இயக்கும் வாய்ப்பை பெற்றார் இவர்.
ஜென் டில் மேன் படத்துக்கு பிறகு காதலன் படம் இவரது க்ரேடை இன்னும் தூக்கியது. கண்ணாடி பஸ் ஒன்றை பிரமாண்டமாக தயாரித்து காதலன் படத்தில் காட்சிப்படுத்தி இருந்த ஷங்கர் அத்துடன் தனது பிரமாண்ட பயணத்தை ஆரம்பித்தார் அதிலிருந்து அவரின் ஒவ்வொரு படத்திலும் பிரமாண்டம் மட்டும்தான் இருக்கும்.
தொடர்ந்து இந்தியன், முதல்வன், அந்நியன்,சிவாஜி நண்பன் ,ஐ என வெற்றிகரமாக பயணித்து வரும் ஷங்கர் தற்போதும் இந்தியன் 2 மற்றும் ராம்சரணுடன் ஒரு படம் என கலக்கி வருகிறார். இவர் இயக்கியதில் பெரும் தோல்விப்படம் பாய்ஸ் மட்டுமேயாகும்.
தமிழ் இயக்குனர்களில் முன்னணி இயக்குனராக அதிக சம்பளம் பெறுபவராக இருக்கிறார். காதல், வெயில் படங்களையும் தயாரித்து ஒரு தயாரிப்பாளராகவும் வெற்றி பெற்ற இயக்குனர் ஷங்கரின் பிறந்த நாள் நேற்று. நாமும் அவரை வாழ்த்துவோம்.
