தமிழ் சினிமாவின் முன்னணி இயக்குனர்களில் ஒருவரான செல்வராகவன், தனது தனித்துவமான திரைக்கதை மற்றும் இயக்கத்திற்காகப் பெயர் பெற்றவர். சமீபகாலமாக நடிப்பிலும் கவனம் செலுத்தி வரும் அவர், சமூக வலைதளங்களில் அவ்வப்போது தத்துவங்களையும், வாழ்க்கைப் பாடங்களையும் பகிர்ந்து வருவதை வழக்கமாகக் கொண்டுள்ளார். அந்த வகையில், தற்போது அவர் தனது தனிப்பட்ட வாழ்க்கையில் தான் மாற்ற விரும்பும் ஒரு ‘மிக மோசமான’ பழக்கம் குறித்துப் பேசி ரசிகர்களை நெகிழ வைத்துள்ளார்.
தனதுRegret-ஐப் பகிர்ந்த செல்வராகவன்… ஒரு சமீபத்திய நேர்காணலில், “உங்கள் வாழ்க்கையில் நீங்கள் மாற்ற விரும்பும் ஒரே ஒரு பழக்கம் எது?” என்ற கேள்விக்கு எவ்விதத் தயக்கமும் இன்றி “புகைபிடித்தல்” (Smoking) என்று பதிலளித்தார். “நான் சொன்னால் யாராவது ஒருவராவது கேட்பார்கள் என்பதால் தான் இதை வெளிப்படையாகப் பேசுகிறேன். இது ஆரோக்கியத்திற்கு மிகவும் ஆபத்தானது. 100% இதை யாரும் செய்யாதீர்கள்” என்று அவர் மிகத் தெளிவாகக் கூறினார்.
திரைப்படங்களில் புகைபிடிக்கும் காட்சிகளை ஸ்டைலாகப் பார்க்கும் இளைஞர்களுக்கு, நிஜ வாழ்க்கையில் அதன் பாதிப்புகள் எவ்வளவு கொடியது என்பதை அவர் தனது அனுபவத்தின் மூலம் விளக்கியுள்ளார். அவர் பேசும்போது, “நான் இந்தப் பழக்கத்தைக் கைவிடப் பலமுறை முயற்சி செய்துவிட்டேன். ஆனால் என்னால் இன்னும் முடியவில்லை. ஒரு வாய்ப்பு கிடைத்தால் நிச்சயம் இந்தப் பழக்கத்திலிருந்து நான் முழுமையாக வெளிவந்துவிடுவேன்” என்று தனது இயலாமையையும் நேர்மையாக ஒப்புக்கொண்டார்.
இந்த உருக்கமான வேண்டுகோள் ஒருபுறம் இருக்க… தனது ரசிகர்களுக்கு அவர் இறுதியாக ஒரு கட்டளையையே பிறப்பித்துள்ளார். “நீங்கள் உங்கள் வாழ்க்கையில் எதை வேண்டுமானாலும் செய்யுங்கள், ஆனால் ஒருபோதும் புகைபிடிக்காதீர்கள்” என்று அவர் வேண்டுகோள் விடுத்துள்ளார். ஒரு நட்சத்திர இயக்குனரே தனது பலவீனத்தை ஒப்புக்கொண்டு, மற்றவர்கள் அந்தத் தவற்றைச் செய்யக்கூடாது என்று கூறியிருப்பது சமூக வலைதளங்களில் பெரிய வரவேற்பைப் பெற்றுள்ளது.
பொதுவாக சினிமா பிரபலங்கள் தங்களின் பலவீனங்களை மறைக்க நினைப்பார்கள். ஆனால் செல்வராகவன் தனது போராட்டத்தைப் பகிரங்கமாக அறிவித்திருப்பது, புகைபிடிக்கும் பழக்கத்திற்கு அடிமையாகி அதிலிருந்து மீளத் துடிக்கும் பலருக்கு ஒரு விழிப்புணர்வாக அமையும் என எதிர்பார்க்கப்படுகிறது.
ரசிகர்களின் கருத்து என்னவென்றால்… செல்வராகவனின் இந்த நேர்மையான பேச்சு, திரையில் ஹீரோயிசம் காட்டுவதை விட நிஜ வாழ்க்கையில் ஒரு உண்மையான மனிதராக அவர் உயர்ந்து நிற்பதைக் காட்டுகிறது என்கின்றனர். ஆரோக்கியமான வாழ்வை நோக்கி அவர் எடுக்கப்போகும் அடுத்த கட்ட முயற்சிக்கு ரசிகர்கள் இப்போதே தங்களது வாழ்த்துகளைத் தெரிவித்து வருகின்றனர்.
கிரிஷ். இவர் டிஜிட்டல் செய்தி துறையில் துறையில் 5 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள செய்தி பிரிவில் பணியாற்றிய அனுபவம் கொண்டவர். சினிமா, விளையாட்டு சார்ந்த செய்திகள் வழங்குவதில் ஆர்வம் உள்ளவர்.
