தமிழ் சினிமாவுல எப்போதுமே குடும்பங்கள் கொண்டாடும் பக்கா ஃபேமிலி என்டர்டெய்னர் மற்றும் கலகலப்பான காமெடி படங்களை இயக்குவதில் நம்ம இயக்குநர் பாண்டிராஜுக்கு (Pandiraaj) எப்போதுமே ஒரு தனி பாணி இருக்கு. ‘பசங்க’, ‘கடைக்குட்டி சிங்கம்’, ‘நம்ம வீட்டுப் பிள்ளை’ என வரிசையாக சூப்பர் ஹிட் படங்களை கொடுத்த இவரோட 12-வது திரைப்படம் தான் ‘பரிமளா அண்ட் கோ’. தற்பொழுது இந்த படத்தோட ஒட்டுமொத்த படப்பிடிப்பும் முடிவடைந்து, போஸ்ட்-புரொடக்ஷன் வேலைகள் விறுவிறுப்பாக நடந்து வரும் நிலையில, படத்தோட ரிலீஸ் தேதி குறித்த அதிரடி மாஸ் அப்டேட் அதிகாரப்பூர்வமாக வெளியாகியுள்ளது.
லைகா புரொடக்ஷன்ஸ் (Lyca Productions) சுபாஸ்கரன் மற்றும் பசங்க புரொடக்ஷன்ஸ் இணைந்து மிகவும் பிரம்மாண்டமான முறையில் தயாரித்துள்ள ‘பரிமளா அண்ட் கோ’ திரைப்படம் வரும் ஜூன் 5-ஆம் தேதி (June 5th) உலகெங்கும் உள்ள தியேட்டர்களில் ரிலீஸாகப் போவதாக படக்குழுவினர் முறைப்படி அறிவித்துள்ளனர். ஒரு விசித்திரமான குடும்ப பின்னணியையும், அந்த குடும்பத்தில் நடக்கும் சுவாரசியமான திருப்பங்களையும் மையமாக வச்சு இந்த கதையை பாண்டிராஜ் செதுக்கியிருக்காராம். நீண்ட நாட்களுக்குப் பிறகு தியேட்டருக்கு வரும் ரசிகர்களுக்கு ஒரு பக்கா சம்மர் ட்ரீட்டாக இந்த படம் அமையப்போவது உறுதி.
இந்த திரைப்படத்துல பல வருடங்களுக்குப் பிறகு மிரட்டலான காமெடி காம்போவான நடிகர் ஜெயராம் மற்றும் நடிகை ஊர்வசி இணைந்து முதன்மை கதாபாத்திரங்களில் நடித்துள்ளனர் என்பது தான் இதோட ஆகச்சிறந்த ஹைலைட். இவர்களுடன் சேர்ந்து தமிழ் சினிமாவின் முன்னணி இயக்குநரான மிஷ்கின், காமெடி கிங் யோகி பாபு, டான்ஸ் மாஸ்டர் சாண்டி, சந்தோஷ் சோபன், சஞ்சனா கிருஷ்ணமூர்த்தி, அனந்திகா சனில் குமார் என ஒரு பெரிய நட்சத்திர பட்டாளமே நடிச்சு படத்தையே ரகளையாக்கியிருக்காங்க. தற்பொழுது வெளியாகியுள்ள இந்த ரிலீஸ் அறிவிப்பு போஸ்டர் சோசியல் மீடியா முழுக்க செம வைரலாகிட்டு வருது.
ஏற்கனவே இந்த படத்தோட ஃபர்ஸ்ட் லுக் மற்றும் டைட்டில் டீசர் வெளியாகி நல்ல வரவேற்பைப் பெற்ற நிலையில, ஜூன் 5 ரிலீஸை முன்னிட்டு இன்னும் சில தினங்கள்ல படத்தின் அதிரடியான டிரைலர் மற்றும் பாடல்கள் வெளியாகப்போறதா சொல்லப்படுது.ஜார்ஜ் சி வில்லியம்ஸ் ஒளிப்பதிவு செய்யும் இந்த படத்துக்கு பாக்ஸ் என் (Foxn) இசையமைத்துள்ளார். தியேட்டர்கள்ல ஜூன் முதல் வாரத்துல ரிலீஸாகவிருக்கும் இந்த “பரிமளா அண்ட் கோ” திரைப்படம், ரசிகர்களுக்கு கலகலப்பான சிரிப்புக்கும், அதிரடி என்டர்டெய்ன்மென்ட்டுக்கும் பக்கா கேரண்டி தரும் என்பதில் எந்த சந்தேகமும் இல்லை.
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
Swathi Reddy’s Bold Marriage Comment! — “கல்யாணம் பண்ணி நிம்மதியை இழக்கரதவிட — நாய் வளர்ப்பதே பெட்டர்!”; ஓப்பனாகப் பேசிய சுவாதி ரெட்டி!