தென்னிந்தியத் திரையுலகில் தனது சுருள் முடியழகாலும் க்யூட்டான எக்ஸ்பிரஷன்களாலும் ‘கேரளா குட்டி’ என ரசிகர்களால் அன்போடு அழைக்கப்படுபவர் நடிகை அனுபமா பரமேஸ்வரன் (Actress Anupama Parameswaran). மலையாளத்தில் ‘பிரேமம்’ படத்தில் மேரியாக அறிமுகமாகி, தமிழில் ‘கொடி’ படத்தில் தனுஷிற்கு ஜோடியாக நடித்த இவர், சமூக வலைத்தளங்களில் எப்போதுமே செம ஆக்டிவாக இருப்பவர். இந்நிலையில், தமிழ் திரையுலகின் எவர்கிரீன் மெலடி பாடலான ‘கண்ணழகா’ பாடலைத் தனது காந்தக் குரலில் பாடி அவர் வெளியிட்டுள்ள புதிய வீடியோ தற்பொழுது இணையத்தைக் கொள்ளையடித்து வருகிறது.
“எனக்கு இந்த பாடல் ரொம்ப ரொம்ப பிடிக்கும்; சன் மியூசிக்கில் ‘3’ படத்தின் இந்த பாடலைத் திரும்பத் திரும்பப் பார்த்துக்கொண்டே வளர்ந்தவள் நான்” என அனுபமா தனது இன்ஸ்டாகிராம் பக்கத்தில் பதிவிட்டுள்ளார். அத்துடன், “அப்போதிலிருந்து இப்போது வரை எப்போதெல்லாம் நான் இரண்டு பக்கமும் ஜடை (Two-side plaits) போட்டுக் கொள்கிறேனோ, அப்போதெல்லாம் இந்த பாடல் என் மனதில் உடனடியாக ஒலிக்கத் தொடங்கிவிடும். இன்று காலை தற்செயலாகக் கண்ணாடி முன் அமர்ந்து இந்த ஹேர்ஸ்டைலை செய்தபோது, உடனே அந்த நினைவுகள் வந்தன. அதனால் ஏன் நாம் அதை பாடக்கூடாது என்று தோன்றி பாடினேன்” என்று நெகிழ்ந்துள்ளார்.
View this post on Instagram
கண்ணாடியின் முன் அமர்ந்து மிக எதார்த்தமாக, எந்தவொரு மியூசிக் இன்ஸ்ட்ருமென்ட்டும் இல்லாமல் அனுபமா பாடியுள்ள இந்த வீடியோ அவரது ரசிகர்களை மெய்சிலிர்க்க வைத்துள்ளது. தனுஷ், ஸ்ருதிஹாசன் நடிப்பில், ஐஸ்வர்யா ரஜினிகாந்த் இயக்கத்தில், அனிருத் இசையில் வெளியான ‘3’ திரைப்படத்தின் ‘கண்ணழகா காலழகா’ பாடல் இன்றும் பலரது ஃபேவரைட் லிஸ்டில் உள்ளது. “என்னைப்போல இந்த சிகை அலங்காரத்தை அந்தப் பாடலுடன் தொடர்புபடுத்திப் பார்க்கும் ஆட்கள் யாராவது இருக்கிறீர்களா, தயவுசெய்து சொல்லுங்கள்” என்றும் அனுபமா ரசிகர்களிடம் கியூட்டாகக் கேட்டுள்ளார்.
அனுபமாவின் இந்த க்யூட்டான பாடல் வீடியோ சோசியல் மீடியாவில் ஒரு அழகான ரிலாக்ஸேஷனாக அமைந்துள்ளது. அனுபமாவின் இந்த பதிவிற்கு கீழே அவரது குரல் மிகவும் இனிமையாக உள்ளதாகவும், இரண்டு பக்க ஜடை சிகை அலங்காரம் அவருக்கு அசாத்திய அழகைத் தருவதாகவும் ரசிகர்கள் கமெண்ட்டுகளை அள்ளி வீசி வருகின்றனர். இன்ஸ்டாகிராமில் வெளியான சில மணி நேரங்களிலேயே இந்த வீடியோ லட்சக்கணக்கான வியூஸ்களைக் கடந்து பயங்கர ட்ரெண்டாகி வருகிறது.
