மணி ரத்னம் படத்திற்காக சம்பளத்தைக் குறைத்த விஜய் சேதுபதி: ‘இஞ்சி வெல்லம்’ ரிலீஸ் அப்டேட்!

தமிழ் திரையுலகில் தற்போது கோலிவுட் வட்டாரத்தில் அதிகம் பேசப்படும் ஒரு சூடான தகவல் வெளியாகியுள்ளது. உலகப் புகழ்பெற்ற இயக்குநர் மணி ரத்னம் இயக்கத்தில், சாய் பல்லவி ஜோடியாக நடிக்கவுள்ள புதிய காதல் திரைப்படமான ‘இஞ்சி வெல்லம்’ (Inji Vellam) மீதான எதிர்பார்ப்பு நாளுக்கு நாள் அதிகரித்து வருகிறது. இப்படத்தில் கதையின் நாயகனாக நடிக்கும் மக்கள் செல்வன் விஜய் சேதுபதி (Vijay Sethupathi), இப்படத்திற்காக வாங்கும் சம்பளம் குறித்த சுவாரஸ்யத் தகவல்கள் கசிந்துள்ளன.

தற்போதைய மார்க்கெட் நிலவரப்படி விஜய் சேதுபதி ஒரு படத்திற்கு சுமார் 15 கோடி ரூபாய் வரை சம்பளமாகப் பெற்றுவரும் நிலையில், இயக்குநர் மணி ரத்னத்தின் இயக்கத்தில் நடிப்பதை ஒரு பெருமையாகக் (Pride) கருதி, இப்படத்திற்காகத் தனது சம்பளத்தை 6 கோடி ரூபாயாகக் குறைத்துக் கொண்டுள்ளதாகத் திரையுலக வட்டாரங்கள் தெரிவிக்கின்றன. கோலிவுட்டில் லெஜண்ட் இயக்குநர்களின் படங்களில் பணியாற்றுவதற்காக முன்னணி நடிகர்கள் தங்களது சம்பளத்தைக் குறைத்துக் கொள்வது வழக்கமான ஒன்றுதான் என்றாலும், விஜய் சேதுபதியின் இந்த முடிவு தற்போது பேசுபொருளாகியுள்ளது.

மறுபுறம், இப்படத்தின் ஷூட்டிங் பணிகளை இயக்குநர் மணி ரத்னம் மிகவும் தீவிரமாகவும் வேகமாகவும நடத்தி வருகிறார். ஏ.ஆர். ரஹ்மான் இசையில் உருவாகிவரும் இந்த அட்டகாசமான ரொமாண்டிக் என்டர்டெய்னர் திரைப்படத்தை, எதிர்வரும் பொங்கல் 2027 பண்டிகையை முன்னிட்டு திரையரங்குகளில் வெளியிடத் திட்டமிட்டுப் பணிகள் தீவிரமாக நடந்து வருகின்றன.