தமிழ் சினிமாவின் கேங்ஸ்டர் ஆக்ஷன் படங்களுக்குப் பிறகு, மீண்டும் தனது அசல் காதல் கதை களத்திற்குத் திரும்பியுள்ளார் புகழ்பெற்ற இயக்குநர் மணிரத்னம். மெட்ராஸ் டாக்கீஸ் மற்றும் லைகா ப்ரொடக்ஷன்ஸ் இணைந்து தயாரிக்கும் இப்பட்டியலில், மக்கள் செல்வன் விஜய் சேதுபதி மற்றும் நடிகை சாய் பல்லவி முதன்முறையாக இணைந்து ஜோடியாக நடிக்கின்றனர். இப்படத்திற்கு ஆஸ்கார் நாயகன் ஏ.ஆர். ரஹ்மான் இசையமைக்கிறார்.
Between light and shadow, life finds its colours ✨
The title of #ManiRatnam’s next, featuring #VijaySethupathi and #SaiPallavi, will be unveiled on September 7 ❤️#ManiRatnam @arrahman @LycaProductions @VijaySethuOffl @Sai_Pallavi92 @sreekar_prasad #AvikMukhopadhayay… pic.twitter.com/pMPkBz3r5t
— Madras Talkies (@MadrasTalkies_) September 4, 2026
இயக்குநர் மணிரத்னத்தின் முந்தைய படைப்புகளின் நளினத்தை மீண்டும் கொண்டுவரும் விதமாக உருவாகியுள்ள இப்படத்தின் படப்பிடிப்பு கொல்கத்தா மற்றும் பாண்டிச்சேரி போன்ற முக்கிய இடங்களில் விறுவிறுப்பாக நடைபெற்று வருகிறது. இந்நிலையில், சினிமா வட்டாரத்தில் பெரும் எதிர்பார்ப்பை ஏற்படுத்தியுள்ள இத்திரைப்படத்தின் அதிகாரப்பூர்வ தலைப்பு மற்றும் டீசர் வீடியோ வருகிற செப்டம்பர் 7ஆம் தேதி வெளியிடப்படும் என படக்குழு அதிகாரப்பூர்வமாக அறிவித்துள்ளது.
விஜய் சேதுபதி மற்றும் சாய் பல்லவி கூட்டணிக்காக ஏ.ஆர். ரஹ்மானின் இசையில் உருவாகும் இப்படம் தென்னிந்திய சினிமா ரசிகர்களிடையே மிகப்பெரிய எதிர்பார்ப்பை ஏற்படுத்தியுள்ளது. கோடைக்கால வெளியீட்டிற்கு தயாராகி வரும் இப்படத்தின் டைட்டில் வெளியீடு மூலம் படத்தின் கதைக்களம் குறித்த முக்கியத் தகவல்கள் வெளியாகும் என எதிர்பார்க்கப்படுகிறது.
