தமிழ் திரையுலகில் இசையமைப்பாளர் இசைஞானி இளையராஜா (Ilaiyaraaja) இசையில் உருவாகியுள்ள ‘முத்துமணி’ (Muthumani) இசை வீடியோ தற்போது இணையத்தில் பெரும் வரவேற்பைப் பெற்று வைரலாகி வருகிறது. கார்த்திக் சுப்பராஜின் ‘டோரதி’ (Dorothy) படத்தின் ஒரு பகுதியாக அமைந்துள்ள இப்படத்தின் இசை வீடியோ குறித்த சுவாரஸ்யமான பின்னணித் தகவல்கள் வெளியாகியுள்ளன.
View this post on Instagram
இசைஞானி இளையராஜாவிடம் இசை வீடியோ உருவாக்குவது குறித்து அனுமதி பெற்றுத் தொடங்கிய இ்ப்பணி, வெறும் 5 நாட்களுக்குள் முழுமையாகத் திட்டமிடப்பட்டு, ஒரே நாளில் படமாக்கப்பட்டுள்ளதாக படக்குழுவினர் பெருமிதத்துடன் தெரிவித்துள்ளனர். ஒளிப்பதிவாளர் திரு (Tirru) மற்றும் நடன இயக்குநர் ஷெரீப் (Sherif) ஆகியோரின் சிறப்பான முன்னெடுப்பால் இந்தச் சாதனை சாத்தியமாகியுள்ளது.
மேலும், இக்குழுவைச் சேர்ந்த அசோசியேட் இயக்குநர் இப்பணியை மிகச் சிறப்பாக இயக்கி முடித்துள்ளார். ஷெரீப் மாஸ்டரின் மிரட்டலான நடன அசைவுகளுடன், ‘ராஜா டான்ஸ்’ வைப் எனப்படும் தனித்துவமான ட்ரான்ஸ் அனுபவத்தை இப்பாடல் ரசிகர்களுக்கு அளித்துள்ளதால், சமூக வலைதளங்களில் இதன் BTS (Behind the Scenes) காட்சிகள் சினிமா வட்டாரத்தில் பெரும் பேசும் பொருளாக மாறியுள்ளன.
