தமிழக அரசியல் களம் தற்பொழுது புதிய மாற்றங்களை நோக்கி நகர்ந்து கொண்டிருக்கும் வேளையில், தமிழக வெற்றிக் கழகத்தின் தலைவரும் தமிழக முதல்வருமான விஜய்யை நேரில் சந்தித்து திரைத்துறையினர் மற்றும் அரசியல் பிரமுகர்கள் பலரும் தங்களது வாழ்த்துகளைத் தெரிவித்து வருகிறார்கள். அந்த வரிசையில், தமிழ் சினிமாவின் தனித்துவமான நடிகரும் இயக்குநருமான பார்த்திபன், முதல்வர் விஜய்யை நேரில் சந்தித்து தனது மனமார்ந்த வாழ்த்துகளைப் பகிர்ந்துள்ளார்.
எப்போதுமே தனது வித்தியாசமான பேச்சுகளாலும் எழுத்துகளாலும் ரசிகர்களைக் கவரும் பார்த்திபன், இந்த சந்திப்பின் போது முதல்வர் விஜய்க்குத் தனது கைப்பட எழுதிய ஒரு கவிதை மடலைப் பரிசாக வழங்கியுள்ளார். அந்த கடிதத்தில் பார்த்திபன் தனது வழக்கமான தனித்துவமான பாணியில் வார்த்தைகளை அழகாகக் கையாண்டுள்ளார்.
அந்த கவிதை மடலில் அவர் எழுதியிருப்பதாவது:
“சினிமாயணம் to CM ஆசனம்! அராஜகமற்ற ஆட்சியைத் தர, அரகஜா திலகமிட்டு-விஜய் பேரரசராக அரியணையை அலங்கரிக்கும் உலக அரசியல் அதிர்WIN முதல்வருக்கு வாழ்த்துகள்! +ப்ரியமுடன், பார்த்திபன் தேதி: என்றும்!”
சினிமா பயணத்தில் தொடங்கி தற்பொழுது தமிழக முதல்வர் ஆசனம் வரை உயர்ந்துள்ள விஜய்யின் இந்த அரசியல் வெற்றியைப் பாராட்டும் வகையில் இந்த வரிகள் அமைந்துள்ளன. அராஜகமற்ற ஆட்சியைத் தர வேண்டும் என்றும், அரசியல் அரங்கில் ஒரு பேரரசராக அரியணையை அலங்கரிக்க வேண்டும் என்றும் பார்த்திபன் தனது கவிதை மூலம் வாழ்த்தியுள்ளார். மேலும், உலக அரசியல் அதிர்வின் முதல்வர் என்று விஜய்யைக் குறிப்பிட்டு, கடிதத்தின் தேதியில் “என்றும்” என எழுதியிருப்பது பார்த்திபனின் பிரத்யேக ஸ்டைலைக் காட்டுகிறது.
சினிமாவில் இருந்து அரசியலுக்கு வந்து அரியணை ஏறியுள்ள முதல்வர் விஜய்க்கு, சக திரைத்துறை நண்பரான பார்த்திபனின் இந்த கவித்துவமான வாழ்த்து சமூக வலைதளங்களில் தற்பொழுது மிகவும் வைரலாகப் பரவி வருகிறது. இவர்களின் இந்த சந்திப்பு அரசியல் மற்றும் சினிமா வட்டாரங்களில் தற்பொழுது ஒரு முக்கிய பேசுபொருளாக மாறியுள்ளது.
