திரைத்துறையில் எப்போதுமே வாரிசு அரசியல் எனப்படும் நெப்போடிசம் சர்ச்சை குறித்து பல விவாதங்கள் எழுவது வழக்கம். குறிப்பாக பாலிவுட் சினிமா வட்டாரங்களில் நட்சத்திரங்களின் வாரிசுகளுக்கு எளிதாக வாய்ப்புகள் கிடைப்பது குறித்து பலரும் தங்களது கருத்துக்களைத் தெரிவித்து வருகின்றனர். அந்த வகையில், பாலிவுட்டின் சீனியர் நடிகர் சத்ருகன் சின்ஹாவின் மகளும் முன்னணி நடிகையுமான சோனாக்ஷி சின்ஹா தங்களது சமீபத்திய பேட்டியில் இது குறித்து மிகவும் அதிரடியாகப் பேசியுள்ளார்.
நெப்போடிசம் என்பது இவ்வளவு தூரம் மக்கள் விவாதிக்க வேண்டிய அல்லது அதிக கவனம் செலுத்த வேண்டிய ஒரு முக்கிய விஷயமே இல்லை என்று தான் நினைப்பதாக சோனாக்ஷி சின்ஹா தெரிவித்துள்ளார். நாம் ஒரு பெரிய தொழிலதிபரின் நிறுவனத்தில் சேர விரும்பலாம், ஆனால் நம்மை விட அந்த தொழிலதிபரின் மகனுக்குத்தான் அங்கு முன்னுரிமையும் அதிக வாய்ப்பும் கிடைக்கும் என்பது தான் உலக நியதி என்று அவர் எதார்த்தமாக விளக்கியுள்ளார்.
அவருக்கு அந்த வாய்ப்பு எளிதாகக் கிடைத்துவிட்டது என்பதற்காக நாம் அவர் மீது கோபப்படவோ அல்லது பொறாமைப்படவோ முடியாது என்றும் அவர் குறிப்பிட்டுள்ளார். சினிமாவில் தனது தந்தை தனக்கு வாய்ப்புகளைப் பெற்றுத் தராவிட்டாலும், சத்ருகன் சின்ஹாவின் மகள் என்று அழைக்கப்படுவதில் தனக்கு எப்போதும் பெருமைதான் என்று நெகிழ்ச்சியோடு கூறியுள்ளார்.
சில நேரங்களில் பொதுவெளியில் மக்கள் என் தந்தையிடம் நீங்கள் சோனாக்ஷியின் அப்பா தானே என்று கேட்கும்போது அவர் அடையும் மகிழ்ச்சிக்கு எல்லையே இல்லை என்றும் சோனாக்ஷி சின்ஹா தங்களது பேட்டியில் பகிர்ந்துள்ளார். தற்பொழுது சமூக வலைத்தளங்களில் வைரலாகி வரும் சோனாக்ஷி சின்ஹாவின் இந்த எதார்த்தமான பேச்சு சினிமா ரசிகர்கள் மற்றும் நெட்டிசன்கள் மத்தியில் ஒரு புதிய விவாதத்தை ஏற்படுத்தி வருகிறது.
திரையுலகில் வாரிசுகளுக்கு முன்னுரிமை கிடைப்பது இயற்கை தான் என்று சோனாக்ஷி சின்ஹா வெளிப்படையாகப் பேசியிருப்பது பாலிவுட் மற்றும் தென்னிந்திய சினிமா வட்டாரங்களில் தற்பொழுது பேசுபொருளாக மாறியுள்ளது. எதார்த்தமான இந்த கருத்துக்கள் குறித்த அடுத்தடுத்த விவாதங்கள் மற்றும் சினிமா பிரபலங்களின் கருத்துக்களைப் பார்க்க நாமும் கொஞ்சம் வெயிட் பண்ணிப் பார்ப்போம்!
ஸ்ரீ. இவர் டிஜிட்டல் செய்தி துறையில் துறையில் 8 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் செய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்.
