கொரோனாவில் இருந்து மீண்ட சிவகார்த்திகேயன் பட இயக்குனர்

விஷ்ணு விஷால் நடிப்பில் கடந்த 2015ல் வெளியான திரைப்படம் இன்று நேற்று நாளை இந்த திரைப்படத்தை இயக்கியவர் ரவிக்குமார். காலச்சக்கரத்தில் ஏறி சுற்றி வருவது போல கதையம்சம் கொண்ட இந்த படம் சுமாரான வெற்றி பெற்றது.

இந்த படத்தை இயக்கிய இயக்குனர் ரவிக்குமார் தற்போது சிவகார்த்திகேயன் நடிக்க அயலான் என்ற படத்தை இயக்கி வருகிறார். இப்படத்துக்கு ஏ.ஆர் ரஹ்மான் இசையமைக்கிறார்.

இந்நிலையில் இயக்குனர் ரவிக்குமாருக்கு கொரோனா தொற்று ஏற்பட்டு அதில் இருந்து மீண்டுள்ளார்.

இது குறித்து அவர் கூறுகையில் அதில் ‘முன்னெச்சரிக்கையோடு இருந்தேன் இருந்தும் கொரோனா என்னை தொற்றியது.எந்தவித அறிகுறியும் இல்லை மூக்கில் ஒழுகியதும் கூட வழக்கமான அலர்ஜி என்ற அளவில் தான் நினைத்தேன் இருந்தும் சந்தேகத்தின் பேரில் 26.04 அன்று இரத்த பரிசோதனை செய்து பார்த்தேன் CBC, CRP, d-dimer அதில் CRP 26 என்ற அளவில் இருந்தது டாக்டர் வரபிரசாத் அதை கோவிட் என்று உறுதிசெய்து மருத்துவ ஆலோசனையும் மருந்துக்களையும் பரிந்துரைத்தார். வீட்டில் தனிமைப்படுத்திக கொண்டு மருந்துக்களை எடுத்துக்கொண்டேன்.

என்னோடு அருகிலேயே இருந்த குழந்தை நறுமுகை(3) மீதும், மனைவி பிரியா மீதும் கவலை வந்தது. மறுநாள் எல்லோருக்கும் swab டெஸ்ட் எடுத்ததில் எனக்கும் நறுமுகைக்கும் மட்டும் பாஸிடிவ். டாக்டர் வரபிரசாத் மிகுந்த நம்பிக்கை கொடுத்தார் நறுமுகைக்கும் சிரப்புகள் எழுதி கொடுத்தார். பிரியாவின் அன்பும்,சலிப்பற்ற உணவு உபசரிப்பும் மீண்டுவர ரொம்பவும் உதவியது.