விஜய்சேதுபதி தமிழ் சினிமாவில் இப்போது உள்ள அடுத்த தலைமுறை கதாநாயகர்களில் ரொம்ப ரொம்ப முக்கியமானவர். கடந்த வாரம் வெளியான இவரின் 50வது படமான “மகாராஜா” சக்கை போடு போட்டு வருகிறது. இவரது நடிப்பே அதற்கு முக்கிய காரணம் என சொல்லப்படுகிறது.
விஜய்சேதிபதி நடித்த “சேதுபதி” படத்தின் அவரின் சிறு வயது கதாப்பாத்திரத்தை செய்திருந்தவர் சூர்யா. இவர் வேறு யாரும் கிடையாது விஜய்சேதுபதியின் மகனே தான்.
வில்லன், கெஸ்ட் ரோல். ஹீரோ என விஜய்சேதுபதி வரிசை கட்டி நடித்துக்கொண்டிருக்கும் நேரத்தில் அவரது மகன் சூர்யாவும் கதாநாயகனாக நடிக்க வந்து விட்டார். ‘ஸ்டண்ட் மாஸ்டர்’ அனல் அரசு இயக்கியுள்ள ஆக்சன் படத்தில் நடித்திருக்கிறார்.
“ஃபீனிக்ஸ் வீழான்” படம் தான் அது. இதன் டீஸர் நேற்று வெளியானது . மகனின் முயற்சியை பாராட்டி விஜய்சேதுபதி படத்தின் டீஸர் போட்டோவை அவரது ‘எக்ஸ்’ பக்கத்தில் வெளியிட்டு மகன் படத்திற்கு சைலென்டாக ஒரு பப்ளிசிட்டியை தேடி கொடுத்துள்ளார்.
தொடர் தோல்விகளைன் பார்த்து அதிலெல்லாம் இருந்து மீண்டு வந்ததனால் அஜீத்குமாரை திரை வட்டாரத்தில் ஃபீனிக்ஸ் பறவை போன்றவர் என சொல்லி வந்தார்கள் சில வருடங்களுக்கு முன்னர் வரை.
இவ்வளவு ஏன் அஜீத்தே கூட தனது “அட்டகாசம்” படத்தில் எரிந்து போன சாம்பலில் இருந்து எழுந்து பறக்கும் ஃபீனிக்ஸ் போல மீண்டும், மீண்டும் பறப்பேன் என பாடியிருப்பார்.
அப்படி தமிழ் சினிமாவில் ஃபேமஸான பெயரை தனது முதல் படத்தின் பெயராக பெற்றுள்ள சூர்யா அவரது அப்பாவை போலவே சிறந்த நடிகராக வரவேண்டும் என பலரும் வாழ்த்தி வருகின்றனர்.
