ஆக்ஷன் மற்றும் எமோஷனல் கமர்சியல் எலிமெண்ட்டுகளுடன் வெளியாகி தமிழ்நாட்டில் பாக்ஸ் ஆபீஸை சுக்குநூறாக உடைத்து வரும் சூர்யாவின் (Suriya) ‘கருப்பு’ திரைப்படம், தெலுங்கு திரையுலகிலும் ‘வீரபத்ருடு’ (Veerabhadrudu) என்ற பெயரில் வெளியாகி அசுர வேட்டையைத் தொடங்கியுள்ளது. ஆந்திரா மற்றும் தெலங்கானா மாநிலங்களில் சூர்யாவுக்கு இருக்கும் மிகப்பெரிய ரசிகர் பட்டாளம் காரணமாக, இப்படத்தின் தெலுங்கு பதிப்பிற்கு தியேட்டர்களில் கட்டுக்கடங்காத கூட்டம் அரோகரா முழக்கங்களுடன் திரண்டு வருகிறது. இந்த நிலையில், டோலிவுட்டின் முன்னணி இளம் நட்சத்திரங்களான நாக சைதன்யா மற்றும் விஜய் தேவரகொண்டா ஆகியோர் இத்திரைப்படத்தின் வெற்றியை சமூக வலைதளங்களில் கொண்டாடியுள்ளனர்.
“சூர்யா காருவின் ‘வீரபத்ருடு’ திரைப்படத்திற்கு எங்கும் பாசிட்டிவ் விமர்சனங்கள் கேட்பது எனக்கு மிகுந்த மகிழ்ச்சியை அளிக்கிறது” என நடிகர் நாக சைதன்யா (Naga Chaitanya) வாழ்த்தியுள்ளார். எப்போதும் சூர்யாவின் வித்தியாசமான கதைத் தேர்வையும் அவரது வெர்சடைல் நடிப்பையும் தான் ஆவலோடு எதிர்பார்ப்பதாகக் குறிப்பிட்டுள்ள சைதன்யா, இத்திரைப்படத்தின் தெலுங்கு விநியோக உரிமையைப் பெற்று ரிலீஸ் செய்துள்ள தங்களது குடும்ப தயாரிப்பு நிறுவனமான ‘அன்னபூர்ணா ஸ்டுடியோஸ்’ (Annapurna Studios), இந்த மாபெரும் வெற்றிக் கூட்டணியில் இணைந்திருப்பது தங்களுக்குக் கிடைத்த பெருமை என்று எக்ஸ் பக்கத்தில் பதிவிட்டுள்ளார்.
Thank you Chay. Hope you find some time to watch the film. https://t.co/PHR8KvKh4c
— Suriya Sivakumar (@Suriya_offl) May 17, 2026
அதேபோல், டோலிவுட்டின் சென்சேஷனல் ஸ்டாரான விஜய் தேவரகொண்டாவும் (Vijay Deverakonda) சூர்யாவின் அசுரத்தனமான உழைப்பைக் பாராட்டி நெகிழ்ச்சியான பதிவு ஒன்றை வெளியிட்டுள்ளார். “தமிழில் ‘கருப்பு’ மற்றும் தெலுங்கில் ‘வீரபத்ருடு’ என இரண்டு மொழிகளிலும் சூர்யா அண்ணாவின் படத்திற்கு கிடைத்து வரும் பிரம்மாண்டமான அன்பைப் பார்ப்பதற்கு மிகவும் மகிழ்ச்சியாக உள்ளது. தியேட்டர்களில் ரெஸ்பான்ஸ் சும்மா ஹியூஜ் (Huuuuge) ஆக இருப்பதாகக் கேள்விப்படுகிறேன். திரையில் அவர் காட்டும் அந்த அசாத்திய திறமைக்காகவும், ஒவ்வொரு வருடமும் நமக்காகத் தனது உழைப்பை முழுமையாகக் கொடுப்பதற்காகவும், இந்த வெற்றியை அவர் முற்றிலும் தகுதியானவர்” என்று விஜய் தேவரகொண்டா உருகியுள்ளார்.
Haha! ఇదంతా మన ప్రియమయిన ఫ్యా న్స్ కోసం…! Btw which is a good holiday
spot? 😊 https://t.co/nqEadvbx71— Suriya Sivakumar (@Suriya_offl) May 17, 2026
தெலுங்கு திரையுலகின் டாப் ஹீரோக்கள் இருவர் ஒரே நேரத்தில் சூர்யாவின் தெலுங்கு மார்க்கெட் வெற்றியைப் பாராட்டியிருப்பது டோலிவுட் வட்டாரத்தில் தற்போதைய ஹாட் டாப்பிக் ஆகியுள்ளது. அன்னபூர்ணா ஸ்டுடியோஸின் பிரம்மாண்டமான விளம்பர உத்திகள் மற்றும் சூர்யாவின் முந்தைய படங்களான கஜினி, சிங்கம் போன்ற படங்களின் தாக்கம் காரணமாக, ஆந்திரா பாக்ஸ் ஆபீஸிலும் இந்த ஓப்பனிங் வீக்கெண்டில் ‘வீரபத்ருடு’ பல கோடி வசூலை வாரிக் குவித்து சாதனை படைத்து வருகிறது. அண்டை மாநிலத்திலும் சூர்யாவின் ஸ்டார் பவர் கொடிகட்டிப் பறப்பதை நெட்டிசன்கள் தங்களது வாழ்த்து ட்வீட்கள் மூலம் வைரலாக்கி வருகின்றனர்.
