பிரபல படத்தயாரிப்பாளர் கே.பி பிலிம்ஸ் பாலு. இவர் பிரபு குஷ்பு நடித்து பெரும் வெற்றி கண்ட சின்னத்தம்பி படத்தை தயாரித்தவர். பிறகு பாஞ்சாலங்குறிச்சி,ஜானகிராமன்,பாண்டித்துரை, ஜல்லிக்கட்டுக்காளை என அதிகமான படங்களை தயாரித்துள்ளார்.
சின்னத்தம்பி கொடுத்த வெற்றி செண்டிமெண்டோ என்னவோ இவர் அதிகமாக பிரபு படங்களையே தயாரித்துள்ளார்.
கே.பி.பாலு கடந்த சில மாதங்களாகவே உடல் நலக்குறைவால் பாதிக்கப்பட்டு இருந்த நிலையில் இன்று அடையாறில் உள்ள மருத்துவமனையில் சிகிச்சைக்காக அனுமதிக்கப்பட்டபோது மாரடைப்பு ஏற்பட்டு இறந்தார்.
இவரது மறைவுக்கு திரைப்படத்துறையினர் இரங்கல் தெரிவித்துள்ளனர்.
