அஜீத்தின் “விடாமுயற்சி” படத்தில் தற்போது நடித்து வருகிறார் திரிஷா. இவர்கள் இதற்கு முன்னர் “ஜி”, “கிரீடம்”, “மங்காத்தா”, “என்னை அறிந்தால்” படங்களில் ஜோடி போட்டு நடித்திருந்தார்கள். எப்படி நீண்ட நாட்களாக கிடப்பில் கிடந்ததோ அதற்கு நேர் எதிரான வேகத்தில் ஷூட்டிங் நடத்தப்பட்டு வருகிறது “விடாமுயற்சி”.
அஜீத் – திரிஷா இவர்கள் இருவரும் மீண்டும் “விடாமுயற்சி”யில் இணைந்துள்ளனர். ஏகப்பட்ட பிரச்சனைகளுக்கு பிறகு மீண்டும் புத்துயிர் பெற்றிருக்கிறது படம்.
தீபாவளி பண்டிகைக்கு எப்படியும் ரிலீஸ் செய்தே ஆக வேண்டும் என தீவிரமாக நடத்தப்பட்டு வருகிறது இதன் ஷூட்டிங். படப்பிடிப்பில் பங்கற்ற அஜீத் தனது காதல் மனைவியான ஷாலினியின் ஆப்பரேஷனுக்காக அஜர்பைஜானிலிருந்து சென்னைக்கு பறந்து வந்தார்.
அஜீத் சாராத காட்சிகளின் படப்பிடிப்பு நடத்தப்பட்டு வந்தது. திரிஷா கடத்தப்படும் காட்சிகள் படமாக்கப்பட்டதாம் அஜீத் இல்லாத நேரத்தில். “மங்காத்தா” படத்தில் அஜீத்துடன் வில்லனாக மல்லுக்கட்டிய அர்ஜூன் “விடாமுயற்சி”யிலும் நடித்து வருகிறார். இவர் சம்பந்தப்பட்ட காட்சிகளும் படமாக்கப்பட்டு வருகிறது.
இந்நிலையில் மருத்தவமனையில் தன் மனைவி அனுமதிக்கப்பட்டிருந்த போதும் ஷூட்டிங்கில் பங்கேற்ற அஜீத் அவசர அவசரமாக சென்னை வந்தடைந்தார். ஷாலினி முழு நலமடைந்து வருவதால் தன் கவலைகளை மறந்து அஜர்பைஜானுக்கும் சென்றுள்ளார் அஜீத்.
அவர் ஷூட்டிங்கில் பங்கேற்க சென்றுள்ளதால் படத்தின் வேலைகள் மும்மூரமடைந்துள்ளது.”விடாமுயற்சி”யை எப்படியாவது தனது ரசிகர்களுக்கு தீபாவளி ட்ரீட்டாக கொடுத்து விட வேண்டும் என்பதில் அதிக ஆர்வம் காட்டி வருகின்றாராம் அஜீத்.
இது ஒரு பக்கம் இருக்க, பொங்கலுக்கு ரீலீஸ் ஆக இன்னொரு பக்கம் வேலைகளை நடத்தி வருகிறார்கள் “குட் பேட் அக்லி” படக்குழுவினர். “விடாமுயற்சி”படத்தின் செகண்ட் லுக் போஸ்டர் நேற்று வெளியாகி அமோக வரவேற்பை பெற்றுள்ளது.
