தமிழ் சினிமாவில் வித்தியாசமான கதைக்களங்களுடன் உருவாகும் உளவியல் மற்றும் திகில் திரைப்படங்களுக்கு எப்போதுமே தனி வரவேற்பு உண்டு. அந்த வகையில், அறிமுக இயக்குநர் அஷ்ரஃப் அலி (Ashr Af) இயக்கத்தில் உருவாகியுள்ள பிரம்மாண்டமான திரைப்படம் ‘போட்டோகிராபர்’ (Photographer).
இப்படத்தில் அஷ்ரஃப் அலியுடன் இணைந்து ஜானகி, கருணாகரன், தேவி மகேஷ், ஆடுகளம் நரேன், வேலு ராமமூர்த்தி மற்றும் நிழல்கள் ரவி உள்ளிட்ட பல முன்னணி நட்சத்திரங்கள் முக்கியக் கதாபாத்திரங்களில் நடித்துள்ளனர். இப்படத்திற்கு ராஜ்குமார் சந்திரசேகர் இசையமைத்துள்ளார்.
மதிகெட்டான் சோலை காட்டின் பின்னணியில் ஒரு காட்டுயிர் புகைப்படக் கலைஞர் சந்திக்கும் திகிலூட்டும் சம்பவங்களை மையமாகக் கொண்டு இப்படம் உருவாகியுள்ளது. படத்தின் ரிலீசுக்கு இன்னும் 2 நாட்களே உள்ள நிலையில், படக்குழுவினர் தங்களது இறுதி கட்ட விளம்பரப் பணிகளில் தீவிரம் காட்டி வருகின்றனர். அப்துல் பாசித் சையத் தயாரிப்பில் உருவாகியுள்ள இப்படம், ரசிகர்களுக்கு ஒரு புதிய திரையரங்க அனுபவத்தைத் தரும் என எதிர்பார்க்கப்படுகிறது. இப்படம் வரும் ஆகஸ்ட் 7, 2026 அன்று உலகமெங்கும் உள்ள திரையரங்குகளில் வெளியாகவுள்ளது குறிப்பிடத்தக்கது.
