கடந்த 2002ம் ஆண்டு சன் டிவியில் வெளியான மெட்டி ஒலி சீரியலில் விஜி என்ற கதாபாத்திரத்தில் நடிகர் திருமுருகனின் மனைவியாக நடித்தவர் உமா மகேஸ்வரி.
இவர் வெற்றிக்கொடி கட்டு அல்லி, அர்ஜீனா உள்ளிட்ட படங்களிலும் நடித்துள்ளார்.
கால்நடை மருத்துவர் ஒருவரை மணம்புரிந்துள்ள இவர் மஞ்சள் காமாலையால் பாதிக்கப்பட்டிருந்தார். இந்த நிலையில் ஈரோட்டில் உள்ள தன் தாயார் வீட்டுக்கு சென்றபோது திடீரென மயங்கி விழுந்தார்.
இவரை அருகில் உள்ள ஆஸ்பத்திரியில் சேர்த்ததில் இவர் இறந்தது தெரிய வந்தது.
உடனே அவரது உடல் சென்னை காட்டுப்பாக்கத்தில் உள்ள அவரது வீட்டுக்கு கொண்டு வரப்பட்டு அங்கு தகனம் செய்யப்பட்டது.
உமா மகேஸ்வரியின் மறைவு சின்னத்திரை நடிகர் நடிகைகள் மத்தியில் மிகுந்த வருத்தத்தை ஏற்படுத்தியுள்ளது.
