இந்தியன்-2 படம் ரிலீஸ் தேதி வெளியாகியுள்ள குஷியில் இருக்கிறார் கமல்ஹாசன். படத்தினுடைய போஸ்டர் ஒன்றும் வெளியிடப்பட்டுள்ளது. தனது வாழ்நாளிலேயே மிகப்பெரிய வசூல் சாதனையை செய்து கொடுத்தது “விக்ரம்” தான் என கமலே அவரே பெருமையாக சொல்லியிருக்கிறார். இப்படி வெகு நாட்களுக்கு பிறகு கமல்ஹாசனுக்கு கலைத்துறை கைகொடுக்க துவங்கி இருக்கிறது மீண்டும் என்றே சொல்லலாம்.
மணிரத்னத்துடன் கமல் “நாயகன்” படத்திற்கு பிறகு இணைந்துள்ள “தக்-லைஃப்” படத்தினுடைய படப்பிடிப்பு வெகு ஜோராக நடந்து வருகிறதாம். செர்பியா, ராஜஸ்தான், டெல்லி, இப்போது சென்னை என பல இடங்களில் படப்பிடிப்பு தொடர்ச்சியாக நடத்தப்பட்டு வருகிறது.
ட்ரயலரில் காண்பிக்கப்பட்ட காயல்பட்டினத்துக்கு எப்போ வருவீங்கன்னு சார்ன்னு கேட்க ஆரம்பிச்சிருக்கிறாங்களாம் அந்த ஊர்க்காரங்க. எது எப்படியோ பட ஷூட்டிங் தங்கு தடை இல்லாமல் நடந்துட்டு வருகிறது என்ற செய்தியே மகிழ்ச்சியை தருகிறதாகத்தான் தெரிகிறது.
முதலில் துல்கர் சல்மான், ‘ஜெயம்’ரவி “தக்-லைஃப்”ல் கமிட்டாகி இருந்தனர். பிறகு அவர்கள் படத்திலிருந்து விலகுவதாக அறிவித்திருந்தனர். இந்நிலையில் சிம்பு அவர்கள் இருவருக்கும் பதிலாகத்தான் சேர்த்துக்கொள்ளப்பட்டர் என்ற ஒரு தகவலும் வந்தது.
‘ஜெயம்’ ரவி, துல்கர் இருவரும் படத்திலிருந்து வெளியேறியதுமே மணிரத்னம் படத்தினுடைய ஸ்கிரிப்டில் சில மாற்றங்களை செய்து விட்டாராம். தற்பொழுது வரை உள்ள செய்தி என்னவென்றால் இந்த படத்தில் கமலும், சிம்புவும் மட்டுமே நடித்து வருகிறார்களாம். ‘ஜெயம்’ரவி, துல்கர் சல்மானுக்கு பதிலாகத்தான் சிம்பு நடிக்கிறார் என்ற தகவல் எல்லாம் உண்மைக்கு அப்பாற்பட்டிருக்கிறது என ‘வலைப்பேச்சு’ அந்தணன். நீங்க நடிக்க மாட்டேன்னு சொன்னதுக்காக நான் படம் எடுப்பதை நிறுத்த முடியுமா?, எனக்கு தேவையான சேஞ்ச பண்ணிக்கிறேன்னு சொல்லி அசால்டு பண்ணிவிட்டாராம் மணி.
