சினிமா ரசிகர்கள் மிகுந்த ஆவலுடன் எதிர்பார்த்துக் கொண்டிருந்த ‘ராமாயணம்’ திரைப்படத்தின் டிரெய்லர் தற்போது வெளியாகி இணையத்தில் தீயாய் பரவி வருகிறது. இந்த பிரம்மாண்டமான படைப்பை இயக்குனர் நிதேஷ் திவாரி இயக்கியுள்ளார். நமீத் மல்ஹோத்ராவின் தயாரிப்பில் உருவாகியுள்ள இப்படம், இந்திய திரையுலகின் மிக முக்கியமான மைல்கல்லாகக் கருதப்படுகிறது.
இந்த டிரெய்லரைப் பார்த்த திரைப்பிரபலங்கள் பலரும் படக்குழுவினரைப் பாராட்டி வருகின்றனர். அந்த வரிசையில், முன்னணி இயக்குனர் அட்லீ தனது அதிகாரப்பூர்வ சமூக வலைதள பக்கத்தில் படத்தைப் பாராட்டி ஒரு பதிவிட்டுள்ளார். அதில், “ராமாயணம் டிரெய்லரைப் பார்த்து அசந்துபோய்விட்டேன். நிதேஷ் திவாரி மற்றும் நமீத் மல்ஹோத்ராவின் தொலைநோக்குப் பார்வை மற்றும் நுணுக்கமான வேலைப்பாடுகள் பிரமிக்க வைக்கின்றன” என்று குறிப்பிட்டுள்ளார்.
Absolutely blown away by the #Ramayana trailer! What a vision by @NamitMalhotra sir and what incredible craft from @niteshtiwari22 sir.@TheNameIsYash bro looks unbelievably lethal, Ranbir Kapoor bro is stunning, and @Sai_Pallavi92 is ethereal. Every frame feels grand, fresh,…
— atlee (@Atlee_dir) July 20, 2026
தொடர்ந்து பேசிய அவர், படத்தில் நடித்துள்ள நட்சத்திரங்களைப் பற்றி நெகிழ்ச்சியுடன் பதிவிட்டுள்ளார். “யஷ் மிகவும் அதிரடியாகவும், ரன்பீர் கபூர் பார்ப்பதற்கு வியக்கத்தக்க வகையிலும் உள்ளனர். அதேபோல், சீதையாக நடித்துள்ள சாய் பல்லவி மிகவும் அழகாக, எதார்த்தமாகத் தோன்றுகிறார். ஒவ்வொரு பிரேமும் பிரம்மாண்டமாகவும், மந்திரம்போலவும் காட்சியளிக்கிறது. இந்தத் திரைப்படக் குழுவினருக்கு எனது வாழ்த்துகள். இது ஒரு காவியப் படைப்பாக இருக்கும்” எனத் தெரிவித்துள்ளார்.
அட்லீயின் இந்த நெகிழ்ச்சியான பதிவு தற்போது இணையத்தில் வைரலாகி வருகிறது. இவ்வளவு பிரம்மாண்டமான வரவேற்பைப் பெற்றுள்ள ‘ராமாயணம்’ திரைப்படம், திரையரங்குகளில் வெளியாகும் போது வசூல் சாதனைகளைப் படைக்கும் என எதிர்பார்க்கப்படுகிறது.
