இந்திய சினிமாவின் சூப்பர் ஸ்டார் நடிகரான அமிதாப் பச்சன் தனது பழைய பிகினி புகைப்படம் ஒன்றை இன்ஸ்டாகிராம் பக்கத்தில் வெளியிட்டுள்ளார்.
பாலிவுட் சினிமாவில் சூப்பர் ஸ்டாராக விளங்கிய நடிகர் அமிதாப் பச்சன் 2000 களுக்குப் பிறகு குணச்சித்திர வேடங்களில் நடித்து அதிலும் தனது முத்திரையை பதித்து வருகிறார். அதே போல டிவிட்டர், இன்ஸ்டாகிராம் மற்றும் பிளாக் போன்ற சமூகவலைதளங்களில் தீவிரமாக இயங்கி வருகிறார்.
இந்நிலையில் அமிதாப் பச்சன் தனது இன்ஸ்டாகிராம் பக்கத்தில் பிகினி உடையில் இருக்கும் பழைய புகைப்படத்தை பகிர்ந்துள்ளார். இது 1983ம் ஆண்டு வெளியான “மஹான்” படத்தின் போது எடுக்கப்பட்டது . இன்றுடன் இந்த படம் வெளியாகி 37 வருடங்கள் நிறைவடைவதை முன்னிட்டு இந்த புகைப்படத்தை வெளியிட்டுள்ளார். மேலும் தனது பதிவில் கிண்டலாக சிலர் என்னுடைய புகைப்படங்களுக்கு அதிக லைக்குகள் விழுவது இல்லை என சொல்கின்றனர். அதனால் இந்த பிகினி புகைப்படத்தை பகிர்கிறேன் எனத் தெரிவித்துள்ளார்.
