மலையாள சினிமாவில் தற்பொழுது அடுத்தடுத்து பல மிரட்டலான ஆக்ஷன் மற்றும் கமர்ஷியல் படங்கள் வெளியாகி தமிழ் ரசிகர்களையும் பெரிய அளவில் கவர்ந்து வருகிறது. அந்த வகையில், மலையாளத்தில் கடந்த மே 14 அன்று ரிலீஸாகி தியேட்டர்களில் நல்ல வரவேற்பைப் பெற்ற ‘அதிரடி’ (Athiradi) திரைப்படம், தற்பொழுது தமிழ் ஆடியன்ஸையும் குஷிப்படுத்த நேரடியாகத் தமிழில் ரிலீஸாகத் தயாராகிவிட்டது. இப்படத்தின் அதிரடியான தமிழ் ட்ரைலர் தற்பொழுது அதிகாரப்பூர்வமாக வெளியாகி சோசியல் மீடியாவில் பயங்கர ட்ரெண்டாகி வருகிறது.
“வாட்டரோட காலம் முடிஞ்சு போச்சு.. இனி கேப்பபிலிட்டி தான் கை கொடுக்கும்” என்கிற மிரட்டலான பஞ்ச் வசனங்களுடன் இந்த ட்ரைலர் ஆரம்பமாகி ரசிகர்களைக் கவர்ந்துள்ளது. ‘மின்னல் முரளி’ படம் மூலம் ஒட்டுமொத்த தென்னிந்தியாவையும் திரும்பிப் பார்க்க வைத்த நடிகர் டோவினோ தாமஸ் (Tovino Thomas) மற்றும் இயக்குநர் பேசில் ஜோசப் (Basil Joseph) இருவரும் இந்த படத்தில் இணைந்து தங்களது அசாத்திய நடிப்பை வெளிப்படுத்தியுள்ளனர். ஒரு கல்லூரி விழாவை (College Fest) மையமாக வைத்து நடக்கும் மோதல்கள், அரசியல் மற்றும் வெறித்தனமான ஆக்ஷன் த்ரில்லராக இந்த கதையை இயக்குநர் அருண் அனிருதன் (Arun Anirudhan) செதுக்கியுள்ளார்.
முக்கியமா, இந்த ட்ரைலரில் வரும் “அவன் கிரிமினல்டா அவன் கிரிமினல்.. டேஞ்சர்டா அவன் பயங்கர டேஞ்சர்” போன்ற பவர்ஃபுல்லான வசனங்கள் படத்தின் மீதான எதிர்பார்ப்பைத் தூக்கியுள்ளது. காலேஜ் பாய்ஸ்க்கு இடையே நடக்கும் சண்டைகள், பைக் ஸ்டண்ட்கள் மற்றும் எமோஷனல் ஆக்ஷன் எலிமெண்ட்ஸ் என அனைத்தும் கலந்த ஒரு பக்கா கமர்ஷியல் மாஸ் பேக்கேஜாக இந்த படம் உருவாகியுள்ளது. விஷ்ணு விஜய் (Vishnu Vijay) இப்படத்திற்கு மிரட்டலான பின்னணி இசையை அமைத்துள்ளார். மலையாள ரசிகர்களைத் தொடர்ந்து தற்பொழுது தமிழ் ஆடியன்ஸையும் கவரும் விதமாகப் பக்கா தமிழ் டப்பிங்குடன் இந்த ட்ரைலர் வெளியாகியுள்ளது.
சரேகமா தமிழ் (Saregama Tamil) யூடியூப் சேனலில் வெளியாகியுள்ள இந்த ட்ரைலர், தற்பொழுது தமிழ் சினிமா ரசிகர்களாலும் பயங்கர லெவலில் ஷேர் செய்யப்பட்டு வருகிறது. மலையாளத்தில் ஏற்கனவே நல்ல ஓப்பனிங் பெற்ற இந்த படம், தமிழ்நாட்டிலும் தியேட்டர்களில் ரிலீஸாகி ஒரு மிகப்பெரிய ஆக்ஷன் ட்ரீட்டாக அமையும் என்பதில் சந்தேகமே இல்லை. இன்னும் சில தினங்களில் இந்த படத்தின் அதிகாரப்பூர்வ தமிழ்நாட்டிற்கான ரிலீஸ் தேதி வெளியாகும்னு சினிமா வட்டாரங்கள்ல பேசிக்கிறாங்க.
