தமிழ் யூடியூப் உலகில் தனது தனித்துவமான நகைச்சுவை மற்றும் கன்டென்ட் மூலம் கோடிக்கணக்கான ரசிகர்களைக் கவர்ந்த வி.ஜே. சித்து (VJ Siddhu), தற்போது வெள்ளித்திரையில் இயக்குநராகவும் நடிகராகவும் களமிறங்கும் திரைப்படம் ‘டயங்கரம்’ (Dayangaram). பிரபல தயாரிப்பாளர் ஐசரி கே. கணேஷ் அவர்களின் வேல்ஸ் ஃபீல்ம் இன்டர்நேஷனல் (Vels Film International) நிறுவனம் தயாரிக்கும் இப்படத்தின் ஷூட்டிங் பணிகள் வெற்றிகரமாக நிறைவடைந்ததைத் தொடர்ந்து, தற்போது போஸ்ட் புரொடக்ஷன் பணிகள் மும்முரமாக நடைபெற்று வருகின்றன.
View this post on Instagram
இந்நிலையில், இப்படத்தின் டப்பிங் பணிகள் இன்று அதிகாரப்பூர்வமாகத் தொடங்கியுள்ளதாகப் படக்குழு உற்சாகமான அறிவிப்பை வெளியிட்டுள்ளது. இதுகுறித்து படக்குழு வெளியிட்டுள்ள பதிவில், “Mic Check 1, 2, 3! பயங்கர ரகளையாக ‘டயங்கரம்’ படத்தின் டப்பிங் பணிகள் அதிகாரப்பூர்வமாகத் தொடங்குகின்றன. வி.ஜே. சித்து மற்றும் குழுவினரின் இந்த அல்டிமேட் தியேட்டரிக்கல் அனுபவத்திற்குத் தயாராகுங்கள்” என்று குறிப்பிடப்பட்டுள்ளது. மேலும், இப்படத்திற்கு சித்து குமார் (Siddhu Kumar) இசையமைத்துள்ளார்.
சினிமா ரசிகர்களிடையே பெரும் எதிர்பார்ப்பை ஏற்படுத்தியுள்ள இப்படத்தின் மீதான அடுத்தடுத்த அப்டேட்டுகள் விரைவில் வெளியாகும் என எதிர்பார்க்கப்படுகிறது. வேல்ஸ் மியூசிக் இன்டர்நேஷனல் (Vels Music International) அதிகாரப்பூர்வ யூடியூப் சேனலில் இது தொடர்பான வீடியோ வெளியிடப்பட்டுள்ளது குறிப்பிடத்தக்கது.
