ராமராஜன் உடல்நிலை குறித்து பரவும் வதந்தி- ராமராஜன் தரப்பு விளக்கம்

1986ம் ஆண்டு வெளிவந்த நம்ம ஊரு நல்ல ஊரு படத்தின் மூலம் கதாநாயகனாக அறிமுகமானவர் ராமராஜன். அதற்கு முன்பே ஒரு சில படங்களை இயக்கவும் செய்துள்ளார்.

எங்க ஊரு பாட்டுக்காரன், கரகாட்டக்காரன் உள்ளிட்ட படங்களின் வெற்றி ராமராஜனை எங்கேயோ தூக்கி வைத்தது. அதனால் ராமராஜன் 80ஸ் 90ஸ்களின் தவிர்க்க முடியாத நடிகரானார்.

90களுக்கு பிறகு இவரின் படங்கள் சிறிது சிறிதாக வெளிவருவது குறைந்தது.

ஒரு சில படங்களே வந்தன.

இந்த நிலையில் சமூக வலைதளங்களில் ராமராஜன் உடல்நிலை மிக கடுமையாக பாதிக்கப்பட்டுள்ளதாக ஆதாரமற்ற செய்திகளை சில வலைதளங்கள் வெளியிட்டு இருந்தன.

இது குறித்து ராமராஜன் தரப்பில் விளக்கமளிக்கப்பட்டுள்ளது.

வசூலில் சாதனை புரிந்து தமிழ் சினிமா வரலாறில் சரித்திரம் படைத்த ‘கரகாட்டக்காரன்’ படம் மட்டுமல்லாமல் பல நூறு நாட்கள் படங்களைத் தந்து தனக்கென ஒரு பாணியில் வலம் வந்தவரும், முன்னாள் நாடாளுமன்ற உறுப்பினருமான ராமராஜனைப் பற்றி தற்சமயம் தவறான வதந்தியைப் பரப்பிவருகிறார்கள். ராமராஜன் பூரண நலத்துடன் இருக்கிறார். யாரும் இந்த வதந்தியை நம்ப வேண்டாம்.

இரண்டு படங்களுக்குத் தனது கதையைத் தந்துள்ள ராமராஜன் அடுத்ததாக இரண்டு படங்களில் நடிப்பதற்கு தன்னைத் தயார்படுத்தி வருகிறார் என்பதே உண்மை. ராமராஜன் உடல்நலத்துடனும் மனவலிமையுடனும் இருக்கிறார். விரைவில் அவர் நடிக்கும் படத்தின் தொடக்க விழாவில் கலந்து கொள்வார்”.

இவ்வாறு அதில் கூறப்பட்டுள்ளது.