பிக் பாஸ் நிகழ்ச்சியின் மூலம் புகழ்பெற்றவர் நடிகை ரைசா வில்சன். அதன் பின் யுவன் தயாரித்த பியார் பிரேமா காதல் படத்தின் மூலம் ஹரிஸ் கல்யாணுக்கு ஜோடியாக நடித்து புகழ்பெற்றார்.
இந்த படத்தின் வெற்றியை தொடர்ந்து தற்போது இவர் காதலிக்க யாருமில்லை உள்ளிட்ட சில படங்களில் ஒப்பந்தமாகி நடித்து வருகிறார்.
இவர் சில நாட்களுக்கு முன் முகப்பொலிவுக்காக டாக்டர் பைரவி செந்தில் என்பவரிடம் எடுத்த சிகிச்சை தவறானது எனவும் தனது முகம் வீங்கி விட்டதாகவும் கூறி அழகான முகம் உடைய ரைசா கொடூரமான தனது முகத்தை பதிவிட்டார்.
இதை டாக்டர் பைரவி செந்தில் மறுத்துள்ள நிலையில் அவர் மீது நஷ்ட ஈடு வழக்கு தொடரப்படும் என தெரிவிக்கப்பட்டுள்ளது.
நடிகை ரைசா ரூ.1 கோடி நஷ்ட ஈடு கேட்டு நடிகை மருத்துவர் பைரவிக்கு வக்கீல் நோட்டீஸ் அனுப்பியுள்ளார். அதில் முகப்பொலிவு சிகிச்சையை தவறாக செய்துள்ளதாக கூறி மருத்துவர் பைரவி செந்திலிடம் நஷ்ட ஈடு கேட்டுள்ளதாக நடிகை ரைசா தரப்பில் தெரிவிக்கப்பட்டுள்ளது.
