சில மாதங்களுக்கு முன் நடிகை குஷ்பு பாஜகவில் சேர இருப்பதாக தகவல் பரவியது. இதை ஆரம்பத்தில் முற்றிலும் மறுத்தார் குஷ்பு. சமீபத்தில் சில நாட்களுக்கு முன்னே சென்னை பெரம்பூரில் நடந்த கூட்டத்தில் கூட காங்கிரஸை ஆதரித்து பேசினார் குஷ்பு.ஆனால் அதற்கு இரண்டொரு நாட்களிலேயே பாஜகவில் சேர்ந்து விட்டார். இது போல விசயங்கள் நெருப்பில்லாமல் புகையாது என்பது போல்தான்.
சில நாட்களாக நடிகரும் இயக்குனருமான எஸ்.ஏ சந்திரசேகர் பாஜகவில் சேர இருப்பதாக தகவல்கள் தொடர்ந்து வந்து கொண்டிருக்கிறது. கடந்த 2014 தேர்தலின்போது கூட கோவை வந்த பிரதமர் மோடியை நடிகர் விஜய் சந்தித்து பேசினார்.
அதன் பிறகு நடந்த பல பிரச்சினைகளில் பாஜக எதிர்ப்பு நிலையை விஜய்யும், எஸ்.ஏசியும் கையெடுத்தனர். அந்த நிலைப்பாடுகளை விஜய்யும் எஸ்.ஏ சியும் மாற்றிக்கொண்டு எஸ்.ஏ சந்திரசேகர் பாஜகவில் சேர இருப்பதாக கூறப்பட்டது. இதற்கு பதிலளித்துள்ள எஸ்.ஏ சந்திரசேகர் நான் பாஜகவில் சேர்வதா? ஏன் நான் உயிரோடு இருப்பது பிடிக்கலையா என நக்கலாக கேட்டுள்ளார்.
