ஹாலிவுட் திரையுலகின் மிகவும் மிரட்டலான மற்றும் பிரபலமான ஹாரர் திரைப்பட வரிசையில் அடுத்த அத்தியாயமாக உருவாகியுள்ள ‘ஈவில் டெட் பர்ன்’ (Evil Dead Burn) படம் ரசிகர்களின் பார்வைக்கு ஓடிடி தளத்தில் வரவுள்ளது. திகில் மற்றும் ரத்தக் களறி நிறைந்த காட்சிகளுடன் உருவாகியுள்ள இப்படம் வரும் ஆகஸ்ட் 24-ஆம் தேதி முதல் அமேசான் பிரைம் வீடியோ (Amazon Prime Video) தளத்தில் ரெண்ட் (Rent Basis) முறையில் வெளியாகிறது.
இந்திய சினிமா ரசிகர்களைக் கவரும் வகையில் இப்படம் ஆங்கிலம் மட்டுமின்றி, தமிழ், தெலுங்கு மற்றும் இந்தி ஆகிய முக்கிய மொழிகளிலும் டப் செய்யப்பட்டு வெளியிடப்படவுள்ளது குறிப்பிடத்தக்கது. கணவனை இழந்த பெண் ஒருவர் தனது உறவினர்களின் தனிமைப்படுத்தப்பட்ட வீட்டிற்குச் செல்லும்போது அங்கு அரங்கேறும் அமானுஷ்ய சம்பவங்களையும், கொடூரமான திகில் திருப்பங்களையும் மையமாகக் கொண்டு இப்படம் உருவாகியுள்ளது. ஹாரர் படங்களை விரும்பிப் பார்க்கும் ரசிகர்களுக்கு இந்த ஓடிடி ரிலீஸ் மிகப்பெரிய விருந்தாக அமையும் என்பதில் சந்தேகமில்லை.
