சீனாவில் கனமழை… பலியானோர் எண்ணிக்கை 30 ஆக அதிகரிப்பு…!

சீனாவில் பெய்து வரும் கனமழையில் சிக்கி பலியானோரின் எண்ணிக்கை 30 ஆக அதிகரித்துள்ளது. சீனாவின் கிழக்கு பகுதி முழுவதும் கேமி என்ற புயலால் பாதிக்கப்பட்டுள்ளது. அங்கு கனமழை கொட்டி தீர்த்து வருகின்றது.

தென்கிழக்கு பகுதியில் பெய்து வரும் கனமழையால் மக்களின் இயல்பு வாழ்க்கை முழுவதுமாக பாதிக்கப்பட்டுள்ளது. சீனாவின் ஹுனான் மாகாணத்தில் உள்ள ஹீங்காங் என்ற நகரில் ஏற்பட்ட மண் சரிவில் சிக்கி 15 பேர் சம்பவ இடத்திலேயே உயிரிழந்துள்ளனர்.

மேலும் பலர் படுகாயம் அடைந்துள்ளார்கள். கனமழையால் மலைப்பகுதிகளில் தண்ணீர் ஆர்ப்பரித்துக் கொட்டுகின்றது. சீனாவின் தென்கிழக்கு பகுதியில் பெய்து வரும் கனமழையில் சிக்கி பலியானோர் எண்ணிக்கை 30 ஆக அதிகரித்துள்ளது, மேலும் காணாமல் போன 35 பேரை மீட்பு குழுவினர் தேடி வருகின்றனர் என அதிகாரிகள் தெரிவித்து இருக்கிறார்கள்.