நடிகர் விஜய் தொடங்கி இருக்கும் தமிழக வெற்றி கழகம் என்ற கட்சியின் கொடியில் யானை சின்னம் இருப்பது தொடர்பாக பகுஜன் சமாஜ் கட்சி புகார் கொடுத்திருந்த நிலையில் அதற்கு இந்திய தேர்தல் ஆணையம் பதில் அளித்துள்ளது.
நடிகர் விஜய் தமிழக வெற்றி கழகம் என்ற கட்சியை தொடங்கியிருக்கின்றார். இந்த கட்சி சார்பாக வருகிற 2026 சட்டமன்ற தேர்தலில் போட்டியிட இருக்கின்றார். கடந்த ஆகஸ்ட் 22ஆம் தேதி தனது கட்சியின் கொடி மற்றும் பாடல் இரண்டையும் அறிமுகம் செய்தார் விஜய். நடிகர் விஜய் கட்சி கொடியில் மேலும் கீழும் சிவப்பு நிறமும், மையப் பகுதியில் மஞ்சள் நிறமும் இடம் பெற்றுள்ளது.
மேலும் கொடியின் நடுவில் வாகை பூவும், அதன் இருபுறமும் காலை உயர்த்திய நிலையில் இரண்டு போர் யானையிகளும் 28 நட்சத்திரங்களும் இடம் பெற்றுள்ளன. விஜய் கட்சி கொடியில் இடம்பெற்றுள்ள யானை தங்கள் கட்சியின் சின்னம் என்று அதை நீக்க வேண்டும் என்று கூறி பகுதன் சமாஜ் கட்சி புகார் கொடுத்திருந்தது.
இந்நிலையில் கட்சி கொடியில் யானை இடம்பெற்ற விவகாரம் தொடர்பாக பகுஜன் சமாஜ் கட்சிக்கு இந்திய தேர்தல் ஆணையம் பதில் கொடுத்துள்ளது. அதில் அரசியல் கட்சிகளின் கொடிகளில் இடம்பெறும் சின்னங்கள் உருவங்களுக்கு தேர்தல் ஆணையம் ஒப்புதலோ அங்கீகாரமோ கொடுப்பது கிடையாது. ஆனால் கொடிக்கு விதிமுறைகள் உண்டு.
அதை உட்பட்டு இருப்பதை அந்தந்த கட்சிகள் உறுதி செய்ய வேண்டும். தமிழக வெற்றிக்கழகத்தின் கொடியில் யானை சின்னம் இடம்பெற்ற விவகாரத்தில் தேர்தல் ஆணையம் தலையிடாது. தமிழக வெற்றிக்கழகம் கட்சியின் கொடிக்கு எந்த பிரச்சினையும் இல்லை. தேர்தல் நேரத்தில் தமிழக வெற்றி கழகம் கட்சியின் சின்னமாக யானையை பயன்படுத்த முடியாது என்று அதில் தெரிவிக்கப்பட்டுள்ளது.
