tamilnadu
ரயில்கள் ரத்து எதிரொலி… ஸ்தம்பித்துப் போன தாம்பரம்… அலைமோதும் பயணிகள் கூட்டம்…!
ரயில்கள் ரத்தான காரணத்தினால் பேருந்து நிலையங்களில் பயணிகளின் கூட்டம் அலைமோதி வருகின்றது. ரயில் நிலையத்தில் இன்று முதல் வரும் 14ஆம் தேதி வரை பராமரிப்பு பணிகள் நடைபெற இருக்கின்றது. இதன் காரணமாக இன்று முதல் வரும் 14ம் தேதி வரை மின்சார ரயில் சேவை முழுவதும் மாற்றம் செய்யப்பட்டுள்ளது.
குறிப்பாக சென்னை கடற்கரை-தாம்பரம் இடையே இன்று முதல் மின்சார ரயில் சேவை ரத்து செய்யப்படும் என்று கூறப்பட்டுள்ளது. இந்நிலையில் ரயில்கள் ரத்து எதிரொலியாக பஸ் நிலையங்களிலும். பஸ்களிலும் பயணிகள் கூட்டம் அலைமோதி வருகின்றது. இதனால் தாம்பரம் உள்ளிட்ட பல்வேறு பகுதிகளில் போக்குவரத்து நெரிசல் ஏற்பட்டிருக்கின்றது.
போக்குவரத்து நெரிசலை சரி செய்வதற்காக போலீசார் தரப்பில் பல ஏற்பாடுகள் செய்யப்பட்டுள்ளன. அதன்படி செங்கல்பட்டு – கூடுவாஞ்சேரி வரையிலும், தாம்பரம்-பல்லாவரம் வரையிலும், மின்சார ரயில்கள் இயக்கப்பட்டு வருவதால் மாநகர பேருந்துகள் தாம்பரத்திலிருந்து பல்லாவரத்துக்கு அதிக பயணிகளுடன் சென்று கொண்டிருக்கின்றனர்.
இதனால் தாம்பரம் மற்றும் பல்லாவரம் பேருந்து நிலையங்களில் பயணிகள் கூட்டம் அதிகரித்து காணப்படுக்கிறது. பல்லாவரம் பஸ் நிலையத்தில் இருந்து செங்கல்பட்டு இருக்கு 20 பஸ்களும், கூடுவாஞ்சேரிக்கு 30 பஸ்களும் கூடுதலாக இயக்கப்பட உள்ளது. இதனை மாநகரப் போக்குவரத்து கழகம் தெரிவித்துள்ளது.
