மாத தொடக்கத்திலேயே குறைந்த தங்கம் விலை… இன்றைய தங்கம் மற்றும் வெள்ளி நிலவரம் இதோ…!

மாத தொடக்க நாளான இன்று தங்கம் விலை சவரனுக்கு 120 ரூபாய் குறைந்து விற்பனையாகி வருகின்றது.

கடந்த ஜூலை மாதம் வரை தொடர்ந்து ஏற்றத்தை சந்தித்து வந்த தங்கம் விலை 55 ஆயிரம் ரூபாயை கடந்து விற்பனையாகி நகைப் பிரியர்களுக்கு மிகப்பெரிய அதிர்ச்சியை கொடுத்தது. அதே மாதம் 22ஆம் தேதி தங்கம் மற்றும் வெள்ளி மீதான இறக்குமதி வரியை மத்திய அரசு குறைத்தது. இதன் எதிரொலியால் அன்றைய தினம் தங்கம் விலை சவரனுக்கு 2,200 வரை குறைந்தது.

தொடர்ச்சியாக குறைந்து கொண்டே வந்த தங்கம் விலை சவரனுக்கு 51 ஆயிரம் ரூபாய்க்கும் கீழே சென்றது. இது நகைப் பிரியர்களிடையே மிகப்பெரிய மகிழ்ச்சியை கொடுத்தது. இந்த ஆறுதலானது சில நாட்கள் மட்டுமே நீடித்தது. மீண்டும் மாதம் இறுதியில் தங்கம் விலை கிடுகிடுவென்று உயரத் தொடங்கியது. அதிலும் கடந்த சில நாட்களாக தங்கம் விலை தாறுமாறாக அதிகரித்து வருகின்றது.

கடந்த 24ஆம் தேதி தங்கம் ஒரு கிராமுக்கு 7000 ரூபாயை கடந்து விற்பனையாகி வந்தது. நேற்று தங்கம் விலை சவரனுக்கு 120 ரூபாய் குறைந்தது. இந்நிலையில் இன்று தங்கம் விலை மேலும் குறைந்து இருக்கின்றது. 22 கேரட் ஆபரண தங்கத்தின் விலை 240 ரூபாய் குறைந்து 56 ஆயிரத்து 400 ரூபாய்க்கு விற்பனையாகி வருகின்றது. கிராமுக்கு 30 ரூபாய் குறைந்து 7,050 ரூபாய்க்கு விற்பனையாகி வருகின்றது. வெள்ளி விலையில் எந்தவித மாற்றமும் இல்லாமல் கிராமுக்கு 101 ரூபாய்க்கு விற்பனையாகி வருகின்றது.