தொடர்ந்து உயர்ந்து வரும் தங்கம் விலை… இன்றைய நிலவரம் இதோ…!

தொடர்ந்து தங்கம் விலை உயர்ந்து வரும் நிலையில் இன்று தங்கம் விலை 52,000 நெருங்குகின்றது. இது மக்களிடையே மீண்டும் அதிர்ச்சியை ஏற்படுத்தி இருக்கின்றது.

தமிழகத்தில் கடந்த மாதம் தங்கம் விலை கிடுகிடுவென்று அதிகரித்து ஒரு சவரன் 55 ஆயிரத்தை கடந்து விற்பனையாகி வந்தது. இதனால் நடுத்தர மக்கள் மற்றும் ஏழை எளிய மக்கள் மிகவும் வருத்தத்தில் இருந்தார்கள். தங்கம் என்பது நமக்கு எட்டாக்கனியாகி விடும் என்று நினைத்து வந்தனர்.

இதைத் தொடர்ந்து நாடாளுமன்றத்தில் 2024-25 ஆம் ஆண்டுக்கான மத்திய பட்ஜெட் தாக்கல் செய்யப்பட்டது. அதில் தங்கம் மற்றும் வெள்ளி மீதான இறக்குமதி வரி 15 சதவீதத்திலிருந்து 6 சதவீதமாக குறைக்கப்பட்டிருந்தது. பட்ஜெட் தாக்கத்தின் காரணமாக கடந்த சில நாட்களாக தங்கம் விலை தொடர்ந்து சறிவை சந்தித்து வந்தது.

இது நகைப் பிரியர்களிடையே மகிழ்ச்சியை ஏற்படுத்தியது. இந்நிலையில் கடந்த வாரம் தொடக்கம் முதலே தங்கம் விலை ஏற்ற இறக்கத்தில் இருந்து வந்த நிலையில் நேற்று ஒரு சவரன் தங்கம் விலை எந்தவித மாற்றமும் இல்லாமல் 51 ஆயிரத்து 560 ரூபாய்க்கு விற்பனையாகி வந்தது. இன்று தங்கம் விலை உயர்ந்திருக்கின்றது.

அதன்படி சென்னையில் 22 கேரட் ஆபரண தங்கத்தின் விலை சவரனுக்கு 200 ரூபாய் உயர்ந்து 51 ஆயிரத்து 760 ரூபாய்க்கும், கிராமுக்கு 25 ரூபாய் உயர்ந்து 6,470 ரூபாய்க்கும் விற்பனையாகி வருகின்றன. மேலும் வெள்ளி விலை கிராமுக்கு 50 காசுகள் குறைக்கப்பட்டு 87.50 காசுகளுக்கு விற்பனையாகி வருகின்றது குறிப்பிடத்தக்கது.