சென்னையில் ஆபரண தங்கம் விலை இன்று சவரனுக்கு 560 ரூபாய் குறைந்து விற்பனையாகி வருகின்றது.
ஒவ்வொரு நாளும் சர்வதேச பொருளாதார நிலவரத்திற்கு ஏற்றபடி தங்கத்தின் விலையில் மாற்றம் ஏற்பட்டு விற்பனை செய்யப்பட்டு வரும். இந்நிலையில் தங்கம் விலை தற்போது இதுவரை இல்லாத அளவுக்கு தொடர்ந்து உயர்ந்து கொண்டே செல்கின்றது. இதனால் நகை பிரியர்கள் மற்றும் நடுத்தர குடும்பத்தினர், ஏழை எளியோர்கள் மிகப்பெரிய அதிர்ச்சியில் இருக்கிறார்கள்.
ஒரு நல்ல விஷயத்துக்காக தங்கம் வாங்க நினைப்பவர்கள் கூட கவலை அடைந்து இருக்கிறார்கள். கடந்த 4-ம் தேதி புதிய உச்சத்தை தொட்ட தங்கம் விலை 7000 ரூபாயை கடந்து விற்பனையாகி வந்தது. இதை தொடர்ந்து நேற்று சவரன் 160 ரூபாய் குறைந்து விற்பனையாகி வந்தது.
இந்நிலையில் இன்று தங்கம் விலை குறைந்திருக்கின்றது. அதன்படி தங்கம் விலை இன்று கிராமுக்கு 70 ரூபாய் குறைந்து 7,030 ரூபாய்க்கும், சவரனுக்கு 560 குறைந்து 56 ஆயிரத்து 240 ரூபாய்க்கும் விற்பனையாகி வருகின்றது. மேலும் வெள்ளி விலையும் இன்று குறைந்து இருக்கின்றது. வெள்ளி விலை கிராமிற்கு 2 ரூபாய் குறைந்து ஒரு கிராம் வெள்ளி 100 ரூபாய்க்கு விற்பனையாகி வருவது குறிப்பிடத்தக்கது.
