ரீலீஸ் பண்ணுங்க… 10,000 ரூபா பரிச அள்ளுங்க… தமிழக அரசு வெளியிட்ட போட்டி… நீங்க தயாரா..?

வருகிற ஆகஸ்ட் 22ஆம் தேதி மெட்ராஸ் தினம் கொண்டாடப்பட உள்ள நிலையில் இதனை முன்னிட்டு ரிலீஸ் போட்டி நடத்துவதற்கு தமிழக அரசு மற்றும் அருங்காட்சியத் துறை திட்டமிட்டு இருக்கின்றது. இந்த போட்டியில் தேர்வு செய்யப்படும் ரீலீஸ்களுக்கு பரிசு தொகை வழங்கப்படும் என்று அறிவிக்கப்பட்டுள்ளது. அதன்படி முதல் பரிசாக 10,000  ரூபாயும், இரண்டாம் பரிசாக 7500 ரூபாயும், மூன்றாம் பரிசாக 5000 ரூபாயும் வழங்கப்பட இருக்கின்றது.

இந்த போட்டியில் பங்கேற்க கூடிய நபர்கள் 2 ரீலீஸ் வீடியோ மட்டுமே போஸ்ட் செய்யலாம். ஒவ்வொரு ரீல்சும் 30 முதல் 90 வினாடிக்குள் இருக்க வேண்டும். இந்த ரீல்ஸ்கள் மெட்ராஸின் பெருமைகளை வாழ்வியல்களை எடுத்துரைக்கும் விதமாக இருக்க வேண்டும். கலாச்சாரம் மற்றும் கட்டிடம் உள்ளிட்ட ஏதாவது ஒரு அம்சத்தை அடிப்படையாகக் கொண்டு ரீல்சை உருவாக்கலாம்.

சென்னை அருங்காட்சியகத்தின் அழகினை எடுத்துக்காட்டுவதாக இது இருக்க வேண்டும். மேலும் ஒரிஜினலாகவும் புதிதாகவும் உருவாக்கப்பட்டு ரீல்ஸ்களை பதிவேற்றம் செய்ய வேண்டும். எந்த ஒரு போட்டியிலும் இதற்கு முன்பு அது பயன்படுத்தப்பட்டிருக்கக் கூடாது. இந்த ரீல்ஸ்களை வருகிற ஆகஸ்ட் 20ஆம் தேதி முதல் செப்டம்பர் 3ம் தேதி வரை மட்டுமே பதிவிட அனுமதி இருக்கின்றது. தமிழக அரசு இந்த போட்டியில் கலந்து கொள்பவர்களை தேர்ந்தெடுத்து தமிழ்நாடு அருங்காட்சியகத்தின் அதிகாரப்பூர்வ பக்கத்தில் வெளியிடும் என்று கூறப்பட்டிருக்கின்றது.