சற்று சரிவை சந்தித்த தங்கம் விலை… இன்றைய தங்கம் மற்றும் வெள்ளி நிலவரம் இதோ…!

சென்னையில் ஆபரண தங்கத்தின் விலை இன்று சற்று சரிவை சந்தித்து இருக்கின்றது.

நாடாளுமன்றத்தில் மத்திய நிதி அமைச்சர் நிர்மலா சீதாராமன் 2024 மற்றும் 25 ஆம் ஆண்டுக்கான பட்ஜெட்டை தாக்கல் செய்தார். இதில் தங்கம் மற்றும் வெள்ளி மீதான இறக்குமதி வரி 15 சதவீதத்திலிருந்து 6 சதவீதமாக குறைக்கப்பட்டுள்ளது என்று தெரிவித்திருந்தார். இதனால் தங்கம் விலை கிடுகிடுவென்று சரிய தொடங்கியது.

கடந்த மாதம் தொடக்கம் முதலே உச்சத்தில் இருந்த தங்கத்தின் விலை பட்ஜெட் தாக்கல் அடுத்து சரிவை சந்தித்து வந்தது. இதனால் தங்கம் விலை சவரனுக்கு 51 ஆயிரம் ரூபாய்க்கும் கீழே இறங்கி இருந்தது. கடந்த சில நாட்களாக தங்கம் விலை ஏற்ற இறக்கத்துடன் இருந்து வருகின்றது.

சென்னையில் 22 கேரட் ஆபரண தங்கத்தின் விலை நேற்று சவரனுக்கு 53 ஆயிரத்து 680 ரூபாய்க்கு விற்பனையானது. இந்நிலையில் இன்று சென்னையில் 22 கேரட் ஆபரண தங்கத்தின் விலை சவரனுக்கு 240 ரூபாய் குறைந்து 53 ஆயிரத்து 440 ரூபாய்க்கு விற்பனையாகி வந்தது. மேலும் தங்கம் விலை கிராமுக்கு 30 ரூபாய் குறைந்து 6,680க்கு விற்பனையானது. மேலும் வெள்ளி விலையில் எந்தவித மாற்றமும் இல்லை. வெள்ளி ஒரு கிராம் 92 ரூபாய்க்கு விற்பனையாகி வருவது குறிப்பிடத்தக்கது.