அனுமதி கட்டணம் உயர்வு, இதெல்லாம் நியாயமே இல்லை… உடனே திரும்ப பெற வேண்டும்… தமிழக அரசை வலியுறுத்திய ராமதாஸ்…!

தமிழக அரசு மக்களை எந்த விதத்திலும் பாதிக்காத வகையில் அதன் வருவாயை உயர்த்த வேண்டும் என்று பாமக நிறுவனர் ராமதாஸ் தெரிவித்திருக்கின்றார். தமிழக அரசு வீடு கட்டுவதற்கான கட்டிட அனுமதியை 100 சதவீதத்திற்கு அதிகமாக உயர்த்தி உள்ளதற்கு எதிர்ப்பு தெரிவித்து பாமக நிறுவனர் ராமதாஸ் கண்டனம் தெரிவித்த நிலையில் தமிழக அரசு இந்த கட்டணத்தை திரும்ப பெற வேண்டும் என்று வலியுறுத்தி இருக்கின்றார்.

இது தொடர்பாக அவர் வெளியிட்டுள்ள அறிக்கையில் தெரிவித்துள்ளதாவது “தலைநகர் சென்னை உள்ளிட்ட தமிழகத்தில் வீடு கட்டுவதற்கான கட்டிட அனுமதி பெறுவதற்கான கட்டணத்தை நூறு சதவீதத்திற்கும் மேலாக உயர்த்தி தமிழக அரசு ஆணை வெளியிட்டிருக்கின்றது.

எந்த ஈவு இரக்கமும் இல்லாமல் கட்டிட அனுமதிக்கான கட்டணத்தை 112 சதவீதம் அளவுக்கு உயர்த்தி இருப்பதன் மூலம் ஏழை மக்கள் வீடு கட்டும் கனவை தொடக்க நிலையிலையே தமிழக அரசு தகர்த்தி இருக்கின்றது. சென்னை உள்ளிட்ட தமிழகத்தின் அனைத்து நிலை உள்ளாட்சிகளுக்கும் உட்பட்ட பகுதிகளில் 2500 சதுர அடிக்கும் குறைவான பரப்பினுள்ளான நிலத்தில் 3500 சதுர அடி வரையிலான பரப்பளவில் வீடு கட்டுவதற்கு ஆன்லைனில் அனுமதி வழங்கும் திட்டத்தை தமிழக அரசு கடந்த மாதம் தொடங்கி இருந்தது.

அதற்கான கட்டணங்கள் 100 சதவீதத்திற்கும் கூடுதலாக உயர்த்தி இருக்கின்றது. அதைத் தொடர்ந்து பிற அளவிலான கட்டடங்களுக்கு ஒற்றைச் சாளர முறையில் கட்டிட அனுமதி பெறுவதற்கான கட்டணத்தையும் தமிழக அரசு உயர்த்தி இருக்கின்றது. அதன்படி சென்னையில் 800 சதுர அடி பரப்பில் வீடு கட்டுவதற்கான கட்டிட அனுமதி கட்டணம் 4.5 லட்சத்திலிருந்து 9.5 அதிகரித்திருக்கின்றது.

இது 112 சதவீதம் உயர்வாகும். கட்டிட வரைபட அனுமதி பெறுவதற்கான கட்டணத்தை தமிழக அரசு எந்த அளவுக்கு உயர்த்திருப்பது எந்த வகையிலும் நியாயம் கிடையாது. பதிவு பத்திரப்பதிவு கட்டணம், நிலங்களின் வழிகாட்டு மதிப்பு, சொத்துவரி என அனைத்தையும் தமிழக அரசு உயர்த்தி உள்ள நிலையில் இப்போது வீடு கட்டுவதற்கான கட்டிட அனுமதி கட்டணத்தையும் உயர்த்தி இருப்பது ஏழை, எளிய மக்கள் வாழ்க்கையில் வீடு கட்டுவதற்கான நினைப்பே வரக்கூடாது என்ற நிலைமைக்கு உருவாக்கி இருக்கின்றது.

தமிழக அரசு மக்களே பாதிக்காத வகையில் அதன் வருவாயே உயர்த்துவதற்கான நடவடிக்கைகளை மேற்கொள்ள வேண்டும். அதற்கு பதிலாக ஏழை மற்றும் நடுத்தர மக்களை நேரடியாக பாதிக்கும் வகையில் கட்டண உயர்வு இருக்கக் கூடாது. இதனை தமிழக அரசு உடனடியாக திரும்பப் பெற வேண்டும்” என்று வலியுறுத்துகிறேன் என அந்த பதிவில் தெரிவித்து இருக்கின்றார்.