தமிழகத்தில் இந்த 6 மாவட்டங்களில்… மழை கொட்டி தீக்கப்போகுது… வானிலை எச்சரிக்கை…!

தமிழகத்தில் இன்று ஆறு மாவட்டங்களில் மழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது. இது தொடர்பாக வானிலை ஆய்வு மையம் வெளியிட்டுள்ள செய்திக்குறிப்பில்  தெரிவித்திருந்ததாவது “தமிழகத்தில் இன்று ஆறு மாவட்டங்களில் கன மழை பெய்யும். விழுப்புரம், செங்கல்பட்டு, திருவண்ணாமலை, திருப்பத்தூர், கிருஷ்ணகிரி, தர்மபுரி உள்ளிட 6 மாவட்டங்களில் கனமழைக்கு வாய்ப்பு இருக்கின்றது.

மேலும் ஆகஸ்ட் 11 மற்றும் 12 தேதிகளில் பல்வேறு மாவட்டங்களில் கன மழை பெய்ய வாய்ப்பு இருக்கின்றது. 11-ம் தேதி தர்மபுரி, சேலம், ஈரோடு, நீலகிரி, கோவை உள்ளிட மாவட்டங்களில் கன மழை பெய்ய வாய்ப்பு இருக்கின்றது. அதை தொடர்ந்து 12-ம் தேதி திருவண்ணாமலை, விழுப்புரம், கள்ளக்குறிச்சி, கடலூர், பெரம்பலூர், ஈரோடு, நீலகிரி ஆகிய மாவட்டங்களில் கன மழை பெய்ய வாய்ப்பு இருக்கின்றது .

சென்னையை பொருத்தவரை அடுத்த 24 மணி நேரத்திற்கு வானம் மேகமூட்டத்துடன் இருக்கும் நகரின் ஒரு சில பகுதிகளில் மிதமான மலைக்கு வாய்ப்புள்ளது. சென்னையில் நேற்று முதல் பல பகுதிகளில் லேசானது முதல் மிதமான மழை பெய்து வருகின்றது” என்று வானிலை ஆய்வு மையம் தெரிவித்துள்ளது.